Foz, 15 de maio de 2015.- Lorena Seivane, candidata á alcaldía do Bloque Nacionalista Galego- Asembleas Abertas en Foz, explicou este xoves diante da veciñanza da parroquia de San Martiño que vai ser unha prioridade na acción do goberno municipal darlle a relevancia que realmente ten a San Martiño e á súa historia.
Segundo afirmou Lorena “é un feito que hoxe San Martiño aínda está infravalorado na súa importancia e pouco promocionado por parte das distintas administracións, desde o propio Concello ata a Xunta ou o Estado”. Hai que pensar que a Basílica de San Martiño de Mondoñedo é a igrexa románica máis antiga da península ibérica e que os seus frescos son dos máis singulares e mellor conservados de Galiza. Con estes avais, o BNG pensa que en calquera outro lugar de Europa e mesmo do Estado, as administracións envorcaríanse sen dúbida para que se recoñecese e visitase, realizando ao mesmo tempo plans para a súa conservación e mellora.
O BNG para iso e como primeira medida abrirá un Centro de Interpretación do Románico na casa reitoral, un proxecto do BNG no bipartito que o PP deixou morrer cando as instalacións estaban listas. Dentro dos locais habería unha exposición permanente da historia de San Martiño, proxeccións de imaxes e museo coas reliquias e demais documentos relativos á mesma, a maioría deles hoxe fóra do lugar do que eran orixinais. Tamén crearase, en colaboración cos demais concellos implicados, unha ruta do románico, para fomentar non so o turismo cultural senón para revitalizar economicamente a comarca e sobre todo o medio rural que actualmente sofre un grave abandono. Outra das medidas sería abrir un albergue de peregrinos na zona, aproveitando algunha instalación hoxe infrautilizada, axudando así a promocionar a variante marítima da Ruta Norte do Camiño de Santiago.
Lorena declarou que “de todo isto non so se beneficiará San Martiño e Foz senón toda a Mariña porque nós consideramos a comarca como un todo e non como partes irreconciliables. Será para o BNG-AA un reto conseguir tanto éxito con marabillas naturais como As Catedrais con marabillas histórico-artísticas como son a Basílica de San Martiño de Mondoñedo ou os monumentos románicos da comarca”. Sen dúbida que isto sería un empuxón económico importante e unha posta en valor do noso idioma, da nosa cultura e da nosa historia.
Lorena Seivane, candidata á Alcaldía do Concello de Foz
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
