A Mariña, 26 de maio de 2015.- A responsable comarcal do BNG, Ana Ermida, califica de “bos” os resultados obtidos polos nacionalistas na comarca da Mariña, onde o Bloque subiu en número de votos e en concelleiros e recurtando distancias co PP e o PSOE. “Subimos en número de votos e en concelleiros na comarca, onde pasamos de ter 33 edís a ter 40. Os cidadáns e as cidadás da Mariña confían cada vez máis no BNG”, explica Ana Ermida.
A Executiva Comarcal do BNG da Mariña reuniuse onte pola tarde para analizar os resultados obtidos nas eleccións do pasado domingo na comarca, que califican de “positivos”. O Bloque obtivo na Mariña 10.057 votos, que supoñen unha porcentaxe de voto do 23,31%, dous puntos máis que hai 4 anos. En termos absolutos, o BNG foi a forza política que máis subiu na comarca (394 votos), fronte aos 240 do PSOE (que pasou de 13.091 a 13.331 votos) e á forte caída do PP, que baixou 6.521 votos na Mariña, pasando de 22.894 a 16.373 votos.
Ana Ermida afirma que “está claro que os veciños e veciñas da Mariña castigaron claramente nas eleccións deste domingo ás políticas antisociais e de recortes do PP e a súa falta de compromiso coa comarca da Mariña en cuestións como as infraestruturas e apostaron en moitos concellos polo BNG porque defende á Mariña, os servizos públicos como a sanidade e a educación e políticas a favor da xente”.
O BNG logra as alcaldías de Ribadeo e Muras e subidas importantes en Burela, Foz, Xove e Barreiros
O BNG consegue reforzar as súa posición en Ribadeo, onde logra maioría absoluta con 10 concelleiros, pero Ana Ermida destaca especialmente a consecución da alcaldía de Muras por parte do Bloque. “Muras terá un goberno nacionalista e achegado á xente con Manuel Requeixo como alcalde despois de décadas de políticas caciquís, autoritarias e antidemocráticas do Partido Popular”, afirma Ana Ermida.
A responsable comarcal do Bloque destaca tamén as importantes subidas dos nacionalistas en concellos como Burela, Foz, Xove ou Barreiros. Con todo, os nacionalistas lamentan a perda das alcaldías de Mondoñedo e Riotorto “por unha escasa marxe de votos” e achácano “ao desgaste de 8 anos de Goberno”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
