Ribadeo, 26 de maio de 2015. A asociación Amadores da Música fixo público o fallo do segundo concurso de debuxo sobre a música en Ribadeo no que participaron alumnos e alumnas de 3º e 4º de ESO dos centros educativos ribadenses Sagrado Corazón e Dionisio Gamallo neste curso 2014-2015.
Amadores da Música “quere agradecer ao colexio Sagrado Corazón e ao IES de Ribadeo Dionisio Gamallo o esforzo realizado co fin de levar adiante un concurso de debuxos entre os/as alumnos/as de 3º e 4º da ESO co tema A música en Ribadeo, concurso que esta asociación lles propuxo ás direccións dos centros e ao profesorado implicado na materia e que tan gustosamente aceptaron; moitas grazas a todos/as. Debido á gran participación dos dous centros vémonos na obriga de escoller entre tantas obras de arte sete debuxos que serán utilizados como carteis anunciadores dos concertos da Banda de Música Municipal de Ribadeo así coma tamén nos programas de man. O criterio a utilizar para a publicación do debuxo que vai representar o concerto non é outro máis que aquel que garde algunha relación ou cando menos se aproxime á temática de dito concerto”.
A asociación engade: “non é a nosa intención actuar de xurado nun terreo descoñecido para nós coma pode ser neste caso a pintura, por iso pedimos desculpas e esperamos que o fallo do xurado sexa compartido por todos/as. Nesta ocasión os elixidos/as do curso escolar 2014-2015 son:
-Ana Peña Ares 3º Sagrado Corazón
– Marta Portela Besteiro 3º Sagrado Corazón
– Larissa Dos Santos Lópes 4º Sagrado Corazón
– María García Martínez 3º IES de Ribadeo Dionisio Gamallo
– Gabriela Rodil García 3º IES de Ribadeo Dionisio Gamallo
– Iago Freije Mariño 4º IES de Ribadeo Dionisio Gamallo
– Florencia Belén Balverde 4º IES de Ribadeo Dionisio Gamallo” .
Concerto das Letras Galegas
En canto ao concerto para conmemorar o Día das Letras Galegas, que terá lugar este sábado 30 de maio ás 20.30 horas no Cine Teatro de Ribadeo, o director da Banda de Música Municipal de Ribadeo, David Ballester, explicou que “vai ser todo o repertorio baseado en música tradicional galega e en obras compostas por galegos. Tocaremos obras que están creadas expresamente para banda así como outras que están compostas para orquestra e arranxadas para banda”.
David Ballester destacou que “neste concerto volvemos ter a sorte de poder incorporar 3 novos músicos, dúas rapazas coa frauta, Paula e Eva, e un compoñente máis de clarinete, Alberto, que tamén se nos uniu estas semanas. Entón pouquiño a pouco a banda vai medrando e vamos formando un grupo máis amplo. Invito a toda a xente de Ribadeo e aos que non sexan de Ribadeo e que estean por aquí ese día a que se acerquen ao Cine Teatro e poidan gozar e esperemos que lles guste todo o repertorio que seleccionamos para este concerto”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
