Burela, 16 de maio de 2015.- O PSdeG de Burela revisará e realizará modificacións puntuais no Plan Xeral de Ordenación Municipal (PXOM), aprobado neste mandato polo PP “sen consenso”, co fin de “mellorar o modelo de concello e adaptalo ás necesidades de todos os veciños e veciñas”, subliñou o candidato socialista, Alfredo Llano. Unha das cuestións que Llano propón modificar é o trazado previsto da variante para afastalo o máximo posible da vila, “algo que acordaron de xeito unánime os veciños e que o PP ignorou”.
No eido urbanístico, os socialistas tamén se comprometen a eliminar por completo as barreiras arquitectónicas, un proceso “que iniciamos durante o noso goberno e sobre o que Partido Popular non fixo nada”, ademais de promover plans locais de atención ás persoas con discapacidade “con medidas coordinadas polas diferentes áreas municipais e consensuadas cos colectivos afectados”, explicou o alcaldable.
Se recupera o goberno, o PSdeG tamén promoverá a peonalización ou semipeonalización de rúas para conseguir un pobo “moderno, accesible e para as persoas”. Mellorarán as áreas de esparexemento, como o a de Monte Castelo, O Cantiño ou A Marosa, para potenciar o seu atractivo turístico, e modernizarán o Parque Rosalía de Castro. Outra aposta dos socialistas é a posta en valor das zonas históricas de Burela, como Vila do Medio, Castros, Burela de Cabo… como atractivo cultural e turístico.
Por outra banda, o secretario xeral do PSdeG, José Ramón Gómez Besteiro, estará este domingo en Burela, onde acompañará á candidatura socialista nun encontro coas asociacións de veciños de Casas Baratas “para atender os seus problemas e necesidades especiais”, sinalou Llano. O encontro terá lugar ás 19.15 horas no parque da zona.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
