Mondoñedo, 17 de maio de 2015.- Orlando González Cruz aspira a continuar catro anos máis como alcalde de Mondoñedo para “rematar o traballo feito nestes 8 anos”. O cabeza de lista do BNG-Asembleas Abertas destacou que “nestes oito anos e despois de moito traballo logramos sanear as contas do Concello, que estaban arruinadas despois dunha nefasta e irresponsable xestión do PP en Mondoñedo”, polo que “agora que iso xa está feito e as contas do Concello están ao día, é o momento de transformar Mondoñedo”, dixo.
O alcalde nacionalista de Mondoñedo, que estivo acompañado este domingo pola tarde no mitin central de campaña celebrado na Casa da Xuventude de Mondoñedo polo portavoz do Bloque no Parlamento Galego, Francisco Jorquera, do vicepresidente da Deputación, Antonio Veiga, e de toda a súa candidatura, afirmou que se prensenta “coa ilusión do primeiro día e coa intención de continuar un traballo xa iniciado, un traballo serio e honesto a favor de Mondoñedo e dos e das mindonienses”, dixo.
Pola contra, Orlando González Cruz acusou ao PP e á súa candidata, Elena Candia, de “xogar en contra de Mondoñedo”. “O único que fai é dicirlle á Xunta que non invirta en Mondoñedo porque goberna o Bloque, para intentar asfisiar ao Concello, iso é o único que fixo nestes 8 anos a señora Elena Candia”, reprochoulle. “A súa política é de acoso e derribo do Goberno de Mondoñedo pero non o vai conseguir”, dixo o alcalde.
O mesmo dixo do presidente da Xunta, Alberto Núñez Feijóo, que onte estivo de campaña en Mondoñeco. “Feijóo veu dúas veces a Mondoñedo desde que eu son alcalde, hai 8 anos. Sempre en campaña electoral a pedir os votos, pero non para traer nada para Mondoñedo, pese a telo invitado, co que demostra que non lle importa Mondoñedo, só lle importa o seu partido”, criticou.
A “chapuza” da Xunta na estrada LU-124
Orlando González lembroulle a Feijóo a “chapuza” que a Xunta está a facer na LU-124 que conecta Mondoñedo coa A-8 e continúa até Riotorto e A Pontenova. “Levabamos 4 anos pedindo a mellora desta estrada e había un orzamento de 4,4 millóns de euros para amañala e agora a Xunta reducíu os cartos a só 775.000 euros e están facendo unha obra que é unha auténtica chapuza xusto antes das eleccións para que se vexa que fan algo”, denunciou.
O alcalde mindoniense reclamou a mellora doutras infraestruturas como a N-634 ou os problemas de seguridade na A-8 pero dixo que “a prioridade máxima para este goberno nacionalista e de esquerdas son os servizos públicos para todos os veciños e veciñas e máis nun momento de crise coma este”.
Un alcalde honrado
Francisco Jorquera, pola súa banda, puxo ao alcalde mindoniense de “exemplo de alcalde honrado humilde que defende aos seus veciños e veciñas”. “Os proxectos non se fan sen persoas e todas as persoas que integran a candidatura do BNG á alcaldía de Mondoñedo son honradas, honestas e traballadoras, esa é a mellor carta de presentación do BNG diante dos e das mindonienses”, dixo.
Jorquera pedíu aos veciños e veciñas de Mondoñedo o voto para o Bloque para “seguir gobernando Mondoñedo e consolidar os cambios que xa se iniciaron” e felicitou a Orlando González e ao seu equipo de Goberno “por ter conseguido nestes anos sanear as contas do Concello, que o Partido Popular deixou arruinado e por ser capaz de manter, pese a esas dificultades económicas, os servizos públicos e os servizos sociais para atender a todos os veciños e veciñas”.
“O PP traballa para engordar o peto duns poucos”
O portavoz do Bloque no Parlamento Galego afirmou que “as eleccións municipais marcan un ciclo electoral que continuará coas eleccións xerais de final de ano e coas eleccións á Xunta do vindeiro ano. Feijóo, que onte estivo en Mondoñedo, sabe que nas eleccións municipais deste domingo vai comezar a perder o Goberno da Xunta”, pronosticou, porque “Feijóo actúa en Galiza como simple delegación de Rajoy, non como presidente de todos os galegos e galegas”, dixo.
Jorquera dixo que desde que goberna o PP na Xunta e no Estado, “medrou a pobreza e a desigualdade, e mentres 7.000 persoas en Galiza acaparan a metade da riqueza galega, a maioría da xente ten moitas dificultades para chegar a final de mes e 100.000 mozos e mozas tiveron que emigrar por non ter traballo neste país”. Francisco Jorquera reprochoulle ao PP “que se preocupe máis dos bancos que das persoas” e lembrou que o goberno do PP destinou “280.000 millóns de euros a sanear os bancos cos cartos de todos nós, que os pagamos cos recortes en sanidade, educación ou servizos sociais. Para iso, para sanear á banca, si que non lle importou ao PP aumentar a débeda pública.Ten razón Cospedal cando dixo que o PP está traballando moito para saquear este país”, afirmou o portavoz do Bloque no Parlamento Galego. “Pero depende de nós que as políticas públicas atendan as necesidades da xente, depende de nós acabar cun modelo que engorda o peto duns poucos a costa de toda a cidadanía”, concluíu.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
