Barreiros, 11 de xuño de 2015. A gandeiría Mantoño Holstein de Barreiros vén de ser recoñecida por décimo ano consecutivo entre as tres mellores granxas de Galicia por calificación morfolóxica de parte da Federación de Frisona Galega, FEFRIGA.
Tras saír publicadas as Distincións Honoríficas de FEFRIGA para o Ano 2015 nesta última semana, o copropietario da explotación, Saúl Dorado, satisfeito polos resultados alcanzados neste ano, asegura que “é o resultado dun gran compromiso e esforzo que levamos mantendo durante máis de 18 anos e que se nos vén recoñecendo dende o 2005”.
A Federación de Frisona Galega ten en conta para a publicación destes premios á maioría das granxas do territorio galego, un total de case 5.000 explotacións, que se someten mensualmente a controis de produción, calidade de leite e valores xenéticos dos seus animais, “en canto á nosa categoría, recibimos cada nove meses aos técnicos encargados de outorgarlles ás nosas vacas calificacións segundo a súa morfoloxía. Cada unha pode conseguir entre 65 e 90 puntos e ser calificada en diferentes categorías: insuficiente, regular, boa, máis que boa, moi boa e excelente”.
A día de hoxe, a media estatal e galega referente a estas puntuacións sitúase en torno aos 77 puntos por vaca, Mantoño Holstein, que conta cun censo total de 82 vacas, superou esta cifra en máis de 10 puntos. Saúl Dorado subliña que “tras calificar a todas as nosas vacas este ano logramos alcanzar unha media de 87,50 puntos”.
Mantoño Hosltein de Barreiros ademais de adicarse á producción de leite como fonte fundamental de ingresos, mantén unha aposta firme pola cría de animais de alta xenética descendentes dalgunhas das máis afamadas vacas a nivel mundial, grazas a isto é a granxa galega onde máis vacas excelentes (EX) e moi boas (MB) se poden encontrar reunidas independentemente do tamaño da explotación. Saúl Dorado subliñou que “trala última calificación do pasado mes de maio contamos con 21 vacas excelentes e 61 moi boas, uns resultados que demostran a calidade das nosas vacas e nos fan moi boa publicidade á hora de vender embrións, xovencas, vacas adultas ou levar ingresado varios sementais en centros de inseminación de todo o país e incluso do extranxeiro como Italia ou Alemaña”.
Tras ser coñecedores destes resultados, os propietarios de Mantoño Hosltein recibirán o galardón conseguido o vindeiro 30 de xullo durante a celebración da Festa Hosltein que organiza a mesma Federación de Frisona Galega.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
