O proxecto da FEIRAMOSTRA OS MUIÑOS 2015, englobado no programa da VIII Xornadas Abrindo Camiño, levarase a cabo o sábado 11 de xullo.
Despois da reunión celebrada este mércores 3 de xuño na Taberna o Valeco con representantes da Corporación Municipal (en funcións e electos) e representantes das asociacións, considerouse seguir adiante co proxecto para a realización da feiramostra, co que se pretende axudar a revitalizar un barrio emblemático de Mondoñedo, agardando que se cumpran as vontades e compromisos de arranxar as problemáticas das canles do río Valiñadares o seu paso polo barrio.
A Feiramostra estará dedicada ós sectores turístico, artesanal e agroalimentario e xa se conta, polo de agora, cunha trintena de participantes inscritos. O programa contempla “demostracións en vivo” de olería, zocas, serigrafía, pintura, cestería, talla de pedra, forxa e catas e degustacións de produtos autóctonos que se complementará con actividades de animación: teatrais, monicreques, musicais, etc.
Esta VIII edición trata de completar un proxecto para impulsar e poñer en valor lugares emblemáticos de Mondoñedo e comarca, relacionados co sector do turismo e que poidan axudar a paliar a crise xurdida polo peche das industrias da zona. Así anteriores edicións estiveron dedicadas a promocionar a Variante Marítima do Camiño Norte de Santiago, recuperando a memoria histórica do paso de peregrinos pola basílica catedral de San Martiño de Mondoñedo, impulsando no seu trazado as parroquias de Oirán, Masma e Viloalle e posibilitando un final de etapa na cidade.
Outras edicións tamén se dedicaron á creación e promoción do Roteiro Turistico-Literario “Leiras Pulpeiro” que engloba lugares simbólicos do casco histórico relacionados coa vida e obra do médico e poeta, e do entorno da Area Recreativa de ” A Fervenza” de Viloalle, que Leiras recomendaba polos seus valores paisaxísticos e mediciñais: A Fonte de Augas Sulfurosas, A Pena do Unto e o Castro da Recadiera ou as antigas fábricas de luz da Electricista Mindoniense.
LUIS FERNANDEZ ANSEDES. Presidente da Asociación Abrindo Camiño e Coordinador da Plataforma Comarca de Mondoñedo Unida.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
