Ribadeo, 10 de xuño de 2015.- Ao alcalde en funcións, Fernando Suárez, parécelle unha temeridade que a Xunta pretenda aplicar a partir do 1 de xullo o plan de conservación do monumento natural da praia das Catedrais, cando todo está por facer: sendeiro de acceso para peóns, zonas de aparcamento, información, tíckets… O rexedor dixo estar sorprendido e á expectativa tras o encontro que mantivo este mércores pola tarde no Concello coa directora xeral de Conservación da Natureza, Verónica Tellado. Á xuntanza asistiron tamén os concelleiros de Medio Ambiente e Turismo, Horacio Cupeiro, e Ana Martínez.
Suárez Barcia dixo: “a verdade é que estamos sorprendidos e á expectativa, porque somos os primeiros que queremos que este entorno, non soamente as escaleiras e os arcos senón o entorno enteiro teña un nivel de protección e se conxugue perfectamente o dereito á visita, o turismo e a conservación da natureza. Pero a persoa, que seguramente con toda a boa fe do mundo ven aquí por parte da Xunta dirixe unha parcela pequeniña da Xunta, que é a Conservación da Natureza, e ela non entra nas outras cuestións que para nós son moi importantes, porque nós temos que mirar ese entorno como un todo, non soamente con parcelas pequeniñas”.
O alcalde ribadense manifestou que “cando non está resolto o tema dos aparcamentos, nin o tema do vieiro, nin o da información, nin como se van expedir os tíckets, nin como se vai impedir que entre toda a xente que queira, porque aquí non nos aclararon absolutamente nada de todo iso, parécenos unha temeridade que isto se poña en funcionamento o próximo 1 de xullo. Cando a día de hoxe compromisos por parte do Ministerio de Medio Ambiente de facer un sendeiro pola beira da estrada para que a xente poida ir andando con comodidade non están feitos, cando a Xunta en vez de darnos 10 socorristas nos da 8, con todo este despropósito de cousas parécenos unha temeridade”.
Fernando Suárez comentou que “nosoutros o que lle dixemos é que non se poden matar moscas a canonazos e que non se poden facer estas cousas sen diálogo; non poden vir aquí a dicirnos o que van facer apelando a que están dialogando con nós, cando xa nos explican que teñen a folla de ruta feita. E desde logo co sector moi potente que temos aquí da hostalería, co sector servizos, parécenos que vai acabar habendo interferencias e que os turistas que veñan de Huelva, de Ourense ou de Nova York non van saber onde se sacan uns tíckets para visitar a praia das Catedrais”.
E engadiu: “por todo isto, en definitiva, este modelo de xestionar unha praia que recibe miles de persoas durante todo o ano como se isto fora unha cova do paleolítico ou un bosque encantando no que so poden entrar 20 ou 30 persoas ao día pode ser perfectamente válido cunha fórmula de autorización administrativa, pero desde logo xestionar miles de persoas así non se lle ocorre nin ao que asou a manteiga”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
