Lugo, 5 de xuño de 2015.- A Fundación TIC rematou este venres a terceira tempada dos TICodiarios coa visita dun grupo de 25 alumnos de 1º da ESO do IES Xoán Montes. Neste curso duplicouse o número de visitas didácticas ás instalacións da TIC. En total, 1.391 alumnos e profesores de educación primaria e secundaria, divididos en 53 grupos, achegáronse ao mundo do audiovisual da man dos técnicos e docentes da Fundación.
Os participantes coñecen o funcionamento da televisión dende dentro e participan na produción, realización e presentación dun espazo informativo, o TICodiario, con noticias reais. Durante a visita, os estudantes reciben información sobre os ciclos superiores de Produción e Realización que imparte a Escola de Imaxe e Son de Lugo, EIS. Tralo éxito desta iniciativa, o programa retomarase en outubro cunha nova edición. Todos os centros interesados en participar poden apuntarse xa no número de teléfono 982 206 225.
Ampliación do programa
Como novidade, este curso nos TICodiarios participaron 6 grupos de fóra da provincia, dous da Coruña e catro que aglutinaban varios centros participantes no programa “Xuventude Promete”. Por segundo ano consecutivo, a TIC recibiu un grupo de estudantes alemáns e outro de franceses de intercambio de dous institutos de Lugo. A estas visitas sumouse a dos alumnos sénior dos cursos do InLugo, que fomentan o uso das novas tecnoloxías entre os maiores.
A páxina web da Fundación TIC, www.fundaciontic.org, recolle os vídeos de todas as visitas e máis dun centenar de programas gravados, nas tres tempadas do TICodiario.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
