O Burela Pescados Rubén selou a súa clasificación para a final da Copa de España derrotando por 0-5 ao Cidade As Burgas nunha semifinal que as burelesas manexaron mellor que as de Ourense. O Burela Pescados Rubén medirase na gran final ante o actual campión, o Atlético Féminas Navalcarnero que remontou un 0-2 no seu encontro de semifinais ante o Universidade de Alacante. As anfitrioas lograron o pase á final cun axustado 3-2. A final entre Atlético Féminas Navalcarnero – CD Burela FS Pescados Rubén disputarase este domingo 7 de xuño ás 12.00 horas.
A semifinal galega comezou con precaucións en ambos conxuntos que non querían conceder vantaxes ao seu rival. A intensidade defensiva protagonizou os primeiros compases sen que ambas porterías sufrisen, os disparos de media distancia foron o recurso de ambas escuadras nun duelo pechado que vaticinaba a importancia do primeiro gol. A punto estivo Peque de logralo no tramo final do primeiro periodo dando paso aos mellores minutos do Cidade que apertaron ás laranxas na recta final pero o marcador non se moveu.
Empate sen goles ao descanso e na continuación as ourensás saíron con moita intensidade e tomando a iniciativa do xogo pero o Burela Pescados Rubén difuminou o perigo cunha contra perfecta guiada por Gaby e Peque que Claudia certificou para situar o 0-1, minuto 21. O tanto mariñao deixou tocada a nave do Cidade, o Burela puido aumentar a súa renda nun disparo de Peque e gozou tamén de superioridade numérica trala expulsión de Lucía Nespereira, por dobre amarela no minuto 27. As laranxas non aproveitaron esta vantaxe e por contra completaba o seu cupo de faltas pouco despois. Malia iso e a escasa rotación, o Burela Pescados Rubén mostrouse cómodo na pista ante un Cidade maniatado que non atopaba vías de perigo.
O Burela gozou de ocasións para ampliar a vantaxe; Maite cunha bonita vaselina, Peque nunha acción de estratexia e Bea Mateos cun cabezazo ao longueiro pero chegouse á recta final co 0-1. E no momento da verdade, as mariñás deron un golpe de autoridade cos goles de Gaby (0-2) e Maite (0-3) que sentenciaron a semifinal. Jozi sumouse á festa co 0-4 e nos últimos segundos Gaby redondeou a brillante vitoria co 0-5 definitivo.
Ficha técnica
Cidade das Burgas (0): Ana López; Peke, Iria, Lucía Nespereira e Vane Sotelo (quinteto inicial). Tamén xogaron Sonia Pacios, María Arias, Candea e Peke.
Burela FS Pescados Rubén (5): Jozi; Claudia, Peque, Gaby e Bea Mateos (quinteto inicial). Tamén xogaron Maite e Cris.
Goles: 0-1, min. 21 Claudia;0-2, min. 36 Gaby; 0-3, min. 37 Maite; 0-4, min. 38 Jozi; 0-5, min. 40 Gaby.
Pavillón: A Estación de Navalcarnero. Máis de 300 espectadores.
Colexiados: Díaz Dovale e Pérez Pérez do colexio madrileño. Amonestaron con dobre cartón amarelo a Lucía Nespereira e a Iria Saeta ambas no Cidade das Burgas e con amarela a Gaby no Burela FS Pescados Rubén.
*Fotografía: Logaidea.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
