Vilaronte, 6 de xuño de 2015. O Campo de Fútbol de O Castro, en Villaronte (Foz), acollerá, a fin de semana do 10, 11 e 12 de xullo o XXI Torneo de Fútbol 7, así o anunciaron hoxe representantes da súa organización que segundo explicaron “tralo éxito do ano pasado, cando se retomou o torneo despois duns anos de ausencia, animámonos a dar continuidade a unha cita deportiva que de seguro volverá a ser referencia tanto na localidade como na comarca”.
Nesta XXI edición repartiranse 2.500 euros en premios (sempre e cando participen 24 equipos), ademais dos trofeos correspondentes. Así, o primeiro clasificado recibirá 1.500 euros máis trofeo, o segundo 700 euros e trofeo, mentres que para o terceiro clasificado está previsto un premio de 300 euros, acompañado de trofeo. Asemade, haberá trofeos para o cuarto clasificado, así como para o máximo goleador do campionato e para o porteiro menos goleado.
Coa organización deste torneo, que conta coa colaboración da área de Benestar Social e Deporte da Deputación de Lugo e do Concello de Foz, así como da Asociación Sociocultural O Castro, de Villaronte, preténdese ofrecer “unha fin de semana para practicar un deporte ‘de masas’, que máis que nunha competición, se converterá nunha oportunidade para pasar un rato agradable entre amigos fomentando as relacións sociais e conceptos como a solidariedade e o compañeirismo no deporte”.
A inscrición ten un custe de 120 euros por equipo, e cada un deles estará formado como máximo por un total de 16 xogadores. Así mesmo, poderán inscribirse ata 24 equipos. O prazo de inscrición estará aberto ata o mércores 8 de xullo. Dende a organización animan “a anotarse canto antes nunha cita que, de seguro, será unha auténtica festa do fútbol”.
Para formalizar as inscricións ou solicitar máis información poden poñerse en contacto coa organización a través do enderezo electrónico futbol7vilaronte@gmail.com ou nos teléfonos 669 10 68 17 – 671 21 41 03.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
