Balseiro interésase no Parlamento sobre a evolución da produción e facturación do sector da acuicultura en Galicia

O voceiro de asuntos marítimos do Grupo Popular, Jose Manuel Balseiro, interpelará na Comisión de pesca e marisqueo do Parlamento de Galicia que se terá lugar no día de mañá, ao secretario xeral do Mar, Juan Carlos Maneiro, sobre a evolución que presentaron durante o ano pasado a produción e a facturación do sector da acuicultura en Galicia e a valoración que a Xunta fai ao respecto.

O popular formula esta pregunta para coñecer os últimos datos oficiais en relación coa situación da actividade vinculada aos produtos do mar e do marisqueo. Neste mesmo contexto, o deputado xa formulou unha iniciativa similar na pasada comisión, neste caso, en relación coa pesca extractiva. O Goberno galego confirmou daquela, que no 2014 as descargas nas lonxas galegas medraron un 14,5% e o seu valor económico un 4,6% en relación co 2013, unha evolución positiva que vén á romper unha tendencia negativa de diminución anual rexistrada nos últimos exercicios.

ORIENTACIÓN DAS DECISIÓNS
Balseiro lembra que os datos oficiais achegados son un piar fundamental na capacidade de orientación das decisións que se deben adoptar no ámbito marítimo-pesqueiro, e permiten dispoñer unha foto real das dimensións sociais e económicas que adquire esta actividade.

O voceiro do Mar dos populares galegos sinala que, ao igual que na pesca extractiva, Galicia é, sen lugar a dúbidas, unha referencia europea e mundial na acuicultura, non só pola súa actual capacidade produtiva, por si mesma importante no cultivo de moluscos bivalvos –especialmente do mexillón cultivado en batea- senón aínda máis, pola potencialidade que lle ofrecen as inmellorables condicións naturais e tecnolóxicas cara a este e outros grupos de cultivos.