3 de xuño de 2015.- Un ano máis ADEGA organiza a IV Limpeza simultánea de praias con motivo do Día Mundial dos Océanos. Será este 5, 6 e 7 de xuño. Consulta, datas, lugares, descarrega o protocolo de limpeza… Morte ao plástico!
28 praias e case 40 entidades
Con motivo do día Mundial dos Océanos, ADEGA organiza a IV Limpeza Simultánea de praias. Con esta convocatoria ADEGA dá continuidade ás limpezas realizadas en 2012 , 2013 e 2014 que sumaron centos de persoas neste día de reivindicación e voluntariado ambiental.
Este 2015 son 28 praias nas que haberá algunha actividade de limpeza esta fin de semana, participando case 40 entidades de moi diversa índole. Centros de ensino, asociacións ecoloxistas, concellos, entidades ambientais, fundacións, asociacións veciñais, de mariñeiros/as etc. participan nesta xornada de voluntariado e concienciación ambiental.
Sensibilizar sobre a problemática do lixo mariño
O obxectivo é claro: dar a coñecer a problemática ambiental do lixo mariño que afecta a todos os mares e océanos do planeta.
As limpezas de praias son actos simbólicos, nos que non se debe ver ao voluntariado como man de obra barata para deixar limpos os areais. Ben ao contrario, son actividades de concienciación e educación ambiental que permiten que a cidadanía coñeza a problemática dos residuos mariños, a súa procedencia e os impactos que causan, así como avaliar cais son as medidas que cada un de nós pode desenvolver para minimizar este problema.
Desde ADEGA editamos un Protocolo de limpeza de praias que se reparte entre as persoas participantes na xornada. No protocolo explícase de xeito sinxelo cais son os pasos a seguir antes, durante e logo da limpeza, para unha actuación ecolóxica. Ademais no protocolo faise fincapé noutros aspectos importantes dos ecosistemas litorais que deben ser coñecidos polos voluntarios e voluntarias que participen nesta actividade.
As praias, moito máis que area
As praias son espazos sensíbeis que acubillan unha interesante e fráxil biodiversidade. O voluntariado evitará en todo momento pisar as dunas (naquelas praias nas que todavía exista este ecosistema) xa que contribúe ao seu deterioro e afecta á súa estabilidade e as fráxiles especies que alí habitan.
Por iso só retiraremos o material plástico e de orixe humana. Moitas praias están cubertas de algas, indicadoras da riqueza, biodiversidade e produtividade dos nosos fondos mariños. O argazo non é lixo, é o alimento de moitas especies que á súa vez serven de alimento a outras moitas. Por iso recolleremos os residuos antrópicos respectando a diversidade natural do ecosistema.
Un habitante moi especial
A píllara das dunas (Charadrius alexandrinus) é un pequeno paxaro en situación de ameaza nas nosas costas, do que quedan moi poucas parellas en Galiza, polo que debemos protexelas. Esta ave aniña na parte alta da praia e os seus ovos están moi ben camuflados na area, polo que ao camiñar pola praia corremos o risco de pisalos.
Por iso non realizaremos ningunha limpeza en praias que estean consideradas como “áreas prioritarias de conservación” da píllara. Porén, existen praias que poden ser áreas potenciais para o aniñamento desta especie, e nas que faremos un seguemento especial comprobando previamemnte a presenza de niños. De feito noutras edicións da limpeza atopamos novas localizacións que contrinuiron a un millor coñecemento e protección desta especie en Galiza.
No caso de avistarmos algunha píllara os grupos de voluntariado poderán observar esta ave e recibirán a información precisa para coñecer un dos nosos tesouros naturais. A realización de limpezas manuais e de actividades de educación ambiental son algunhas das recomendacións do Plano de Conservación da Píllara das Dunas, vixente desde xaneiro de 2014, para millorar a situación da especie.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
