Lugo, 19 de xuño de 2015.- O subdelegado do Goberno en Lugo, Ramón Carballo, e o xefe do Centro de Seguridade e Saúde Laboral na provincia, Manuel Gasalla, informaron esta mañá da posta en marcha dunha campaña de ámbito autonómico, organizada pola Dirección Xeral de Tráfico e o Instituto Galego de Seguridade e Saúde Laboral (ISSGA) dependente da Consellería de Traballo e Benestar, para sensibilizar aos usuarios de tractores sobre os riscos que conleva o manexo deste tipo de vehículos e reducir así a sinistralidade.
No acto participaron tamén o xefe territorial de Traballo, Alberto Linares; a xefa provincial de Tráfico, Paula Yubero; o alférez do Subsector de Tráfico da Garda Civil, Roberto Prado; e a voceira en Galicia de Supervisión y Control – ITV, Carmen Fernández.
Co ánimo de darlle a maior difusión posible a esta campaña de sensibilización, os axentes da Agrupación de Tráfico da Garda Civil están a distribuir xa trípticos informativos entre os posibles interesados, aínda que tamén poden conseguirse nas ITV móviles e nas sedes dos Concellos, con especial incidencia no rural.
A campaña completarase no último trimestre do ano, cunha serie de cursos sobre o manexo seguro do tractor que impartirá a Consellería de Traballo, a través do ISSGA.
O subdelegado do Goberno destacou a utilidade desta campaña coa que se pretende que “os usuarios destes vehículos tomen conciencia da importancia de cumprir a normativa específica de circulación, ao tempo que se lles ofrecen consellos en materia de seguridade, sobre todo no que se refire a medidas de prevención fronte a envorcaduras, que é o accidente máis común neste tipo de vehículos que, por seren altos e de grande envergadura, dan unha falsa sensación de seguridade”.
PARQUE DE TRACTORES
Segundo o último censo da DGT, ao peche do pasado ano había un total de 403.624 tractores matriculados en Galicia, 134.012 na provincia de Lugo. A idade media destes vehículos ronda os 26 anos, unha idade elevada que implica que, en moitos casos, os vehículos non dispoñan dos elementos de seguridade axeitados.
SINISTRALIDADE
A campaña da que se deu conta persegue reducir a sinistralidade que se rexistra nos vehículos agrícolas, tanto no que se refire a accidentes de circulación en estrada como no caso de accidentes laborais e naqueles outros sinistros que non figuran en ningunha destas categorías, xa que os usuarios non están realizando propiamente unha actividade profesional. En moitos casos trátase de persoas maiores, xa xubiladas, que usan o tractor como medio de transporte ou ferramenta agrícola sen estar dados de alta como traballadores activos, polo que non constan tampouco como vítimas de accidente laboral en caso de sufrir un accidente.
Neste último grupo enmárcanse, de feito, a meirande parte das 73 vítimas mortais rexistradas en Galicia dende o ano 2011, 16 delas na provincia de Lugo. Así, 23 usuarios de tractores faleceron en accidentes de circulación en estrada, 2 en accidentes laborais e 48 nalgunha desas outras circunstancias descritas. No que levamos de ano, contabilízanse 9 vítimas mortais en accidentes con vehículos agrícolas na comunidade, 3 na provincia de Lugo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
