O furtivismo é un problema global que afecta a todos: aos profesionais do mar, porque a actividade furtiva constitúe unha competencia desleal ao seu traballo; aos consumidores, porque o produto que chega aos nosos pratos froito dunha acción ilegal non ten as mesmas garantías hixiénico-santiarias; aos petos de todos os galegos, porque os furtivos non pagan ningún imposto e xeran un custe polas medidas para o seu control; e finalmente, á imaxe dos produtos do noso mar, un dos maiores patrimonios dos que dispón Galicia.
Así o entendeu o Partido Popular e por iso, desde o primeiro minuto no que accedeu á responsabilidade de Goberno, vén traballando con intensidade no combate desta lacra, con iniciativas tales como a recuperación das patrullas conxuntas entre Gardacostas e Policía autonómica ou a intensificación das labores de control, que se materializan hoxe na mellora xeneralizada de todas as ratios obxectivas sobre incautacións, comisos e freo á acción dos furtivos.
Con gran acerto, o departamento autonómico que dirixe Rosa Quintana desenvolveu unha nova estratexia de loita contra esta lacra moito máis activa, da man dos profesionais, definida pola responsabilidade e a firmeza, e que contrasta con outras épocas onde os furtivos tiñan todas as facilidades.
Neste importante camiño sumamos un novo paso adiante. Un avance notable e decisivo, cando este mércores entre en vigor o cambio normativo polo que o furtivismo pasa a ser considerado como delito no Código Penal. Cúmprese así unha demanda recorrente das e dos profesionais do mar e do marisqueo.
Unha modificación, impulsada polo PP, que porá fin aos privilexios penais do furtivo e a esa sensación de impunidade que moitas veces tiñan os profesionais do mar fronte a acción dos ilegais. A partir de agora todo aquel que extraia marisco sen o debido permiso, será castigado cunha pena de catro a oito meses de prisión. Ou de seis meses a dous anos se a conduta afecta á sostibilidade dos recursos das zonas marisqueiras ou acuícolas. Estas penas levarán á cadea a aqueles casos nos que os furtivos reincidan no seu delito, pola acumulación de antecedentes
Xa en 2010 o Partido Popular de Galicia defendía, sen o apoio dos grupos da oposición, esta demanda que gañou folgos coa recuperación dos Gobernos autonómico e central. O resultado é froito do intenso traballo desenvolvido polos cargos públicos populares nas distintas cámaras lexislativas (Parlamento galego, Congreso e Senado) así como o papel decisivo e persistente da Xunta por defender a actividade e o futuro desa inmensa maioría de profesionais que cada día, en cada punto da nosa costa, realizan o seu traballo cumprindo ás normas.
Jose Manuel Balseiro, voceiro do Mar do Grupo Popular.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
