O Boletín Oficial da Provincia publica este mércores a resolución das 288 entidades e colectivos beneficiarios da segunda fase do Ben Empregado, así como os perfís dos 306 postos de traballo solicitados. Igualmente, publicaranse as bases de selección e o modelo de solicitude de participación.
A listaxe recollerá as entidades seleccionadas, entre as que están 248 autónomos, pemes e microempresas, así como 40 asociacións sen ánimo de lucro, que desenvolven a súa actividade por toda a provincia. Destacan, por número, as radicadas nas comarcas de Lugo, Terra Chá, Zona Sur e A Mariña; seguidas das de Sarria, A Montaña e a Ulloa.
Xunto a esta listaxe de seleccionadas, tamén se publicará a de entidades que quedarán en reserva, ás que se recorrerá en caso de posibles renuncias por parte das primeiras, así como as excluídas.
306 novos postos de traballo
Estas 288 entidades acollerán, durante un período dun ano, a 306 desempregados lucenses, que traballarán con contratos de calidade e con vocación de permanencia. Entre os perfís solicitados destacan os relacionados cos sectores agropecuario e forestal, xunto cos relacionados co medio ambiente, posto que as empresas piden dende veterinarios, peóns en explotacións gandeiras ou enxeñeiros agrónomos e forestais.
Destacan tamén os perfís de carácter social, como educador e traballador social, psicólogo ou monitores de actividades físicas e tempo libre; os administrativos e titulados en administración de empresas; así como os vinculados coa hostalería, turismo e novas tecnoloxías.
Os interesados en participar, terán un prazo de 10 días naturais, contados a partir do día seguinte ao da publicación, para presentar a documentación requirida nas bases no Rexistro Xeral da entidade.
O Ben Empregado!, o 4º macroproxecto de creación de emprego posto en marcha pola Deputación de Lugo nos últimos catro anos, contou cun orzamento de 6 millóns de euros.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
