Lourenzá, 1 de xuño de 2015. O Concello de Lourenzá organiza actividades infantís, este venres 5, e inaugura unha ruta de sendeirismo, o domingo 7, para conmemorar o Día do Medio Ambiente.
A alcaldesa, Emma Álvarez Chao, anunciou hoxe que “o próximo venres, 5 de xuño, conmemórase o Día do Medio Ambiente e, como non podía ser doutro xeito, dende o actual equipo de goberno do Concello de Lourenzá decidimos celebralo cos máis cativos. Vamos facer uns obradoiros medioambientais, nos que os asistentes poderán facer diversos elementos, como casiñas ou comedeiros para paxaros. Tamén montarán entre todos unha árbore dos desexos, onde se transmitan valores medioambientais, despois de narrar unha historia con temática sobre o medio ambiente. Estas actividades estarán abertas a todo o público e, se o tempo o permite, faranse na praza do Conde Santo, e cada neno levará para a casa os elementos que faga durante o obradoiro. Os participantes teñen que traer unha botella de refresco grande valeira, aínda que alí haberá algunhas para que os nenos que non se acorden ou que pasen polo Cantón e lles apeteza participar poidan facer tamén o seu obxecto. En caso de que non se poida facer ao aire libre trasladarémolo a sala de exposicións do Concello”.
A rexedora municipal engadiu que “non soamente vamos celebrar o Día do Medio Ambiente cos nenos senón que aproveitaremos o vindeiro domingo, día 7, para inaugurar a ruta de sendeirismo que leva por nome Val de Lourenzá, actividade que nos servirá tamén para conmemorar este día sinalado no almanaque. É unha ruta de 19,8 quilómetros, ten unha dificultade media alta e sairemos ás 10 da mañá da praza do Conde Santo. A xente que queira poderá mercar un ticket de 2,5 euros para un picnic, no que irá incluído un bocadillo, un anaco de empanada, froita e auga. Este picnic servirase no campo da festa de San Adriano. Aquelas persoas que queiran recibilo terán que anotarse ata este venres, día 5, antes das dúas da tarde, chamando ao Concello, ao 982.12.10.06, e preguntando por Pepe. Haberá un coche escoba para traer de retorno a Lourenzá ás persoas que non poidan facer a ruta enteira; estará situado na Ponte do Xuncal, en San Xorxe, e tamén en San Adriano, no campo da festa. É unha ruta moi fermosa, que sae do Cantón para rematar no mesmo sitio e percorre os lugares máis bonitos do val de Lourenzá. Como se vai bordear todo o val as vistas serán distintas en función do punto no que nos atopemos. Animamos a toda a xente a que participe, tanto do noso concello como de fóra. É unha maneira de coñecer e promover o noso concello”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
