Santiago, 5 de xuño de 2015.- O Parlamento de Galicia vén de aprobar a proposición non de lei presentada polo Grupo Popular, que contou co voto favorable do PSOE, a través da que se solicita ao Goberno central para que flexibilice, nas embarcacións da flota de baixura, a obriga de portar un botiquin tipo C.
Os populares galegos mantiveron en solitario esta demanda, defendida desde a propia Xunta e polas organizacións que agrupan aos profesionais da pesca, para aqueles casos de embarcacións que desenvolven a súa actividade no interior das rías galegas.
RECONSIDERAR SE É PROCEDENTE
O Goberno estatal, en transposición dunha normativa comunitaria, estableceu a obrigatoriedade de portar un botiquín tipo C tamén para esta flota, que esixe incluír ata 26 medicamentos distintos e 24 aparellos médico cirúrxicos.
Balseiro defendeu que tanto a proximidade da costa (que permite acceder con rapidez a asistencia sanitaria) como o obxectivo de evitar un mal uso dalgún destes medicamentos e aparellos aconsella reconsiderar si é procedente un botiquín destas características e complexidade nunha embarcación de baixura.
Desde o Grupo Popular foron moi críticos co voto en contra do BNG e a abstención de AGE, que agora non apoian aquilo que demandaban fai tempo, a pesar de que a práctica demostra que dotar a estas embarcacións dun modelo de botiquín distinto é igual de efectivo e seguro.
DESPEZAMENTOS
Por outra banda, o Grupo Parlamentario Popular votou en contra dunha iniciativa do BNG na que reclamaba a eliminación das axudas que, con cargo aos fondos europeos, van destinadas ao despezamento de buques pesqueiros.
Os populares defenderon a continuidade deste sistema, xa mellorado con respecto a outros períodos, que permite o axuste da flota ás posibilidades de pesca e á situación dos caladoiros, así como, o que aínda é máis importante, o acollemento de armadores e tripulantes a medidas complementarias de carácter social financiadas con cargo a eses fondos europeos.
Balseiro considera sorprendente que BNG e PSOE, “os que máis despezamentos de buques pesqueiros fixeron e prevían facer, esixan agora a eliminación destas axudas”. De feito, explicou que durante o Goberno bipartito se despezaron 538 embarcacións pesqueiras galegas, un 54 por cento máis que no período popular actual. Ademais, PSOE e BNG propoñían realizar 93 despeces durante os anos 2008-2010, fronte aos 37 buques despezados co PP no Goberno nese mesmo período.
O portavoz popular dixo que si o BNG quere defender a continuidade da flota o que debera ter feito e apoiar (e non votar en contra, como fixeron) as iniciativas populares que buscan cambiar o modelo de reparto das posibilidades de pesca e conseguir máis cota.
O deputado popular aclarou que nesa dirección vén traballando o PP, que conseguiu na negociación dos últimos anos incrementar un 14 por cento os TAC e cotas dispoñibles. Ademais, lembrou que en 2014 as descargas de peixe e marisco fresco nas lonxas galegas medraron un 14,5 por cento, e o seu valor económico incrementouse un 4,6 por cento en relación co 2013.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
