Ribadeo, 6 de xullo de 2015. A Concellaría de Cultura fai unha valoración moi positiva da II Feira do Libro de Ribadeo, que rematou este domingo. Farruco Graña subliña que se incrementaron as visitas e que as ventas aumentaron en torno a un 20%.
O edil nacionalista indicou que “con respecto ao ano pasado, e segundo nos comentan os libreiros e libreiras que estiveron presentes, as ventas aumentaron en torno a un 20%. Tamén puidemos constatar un aumento no número de visitantes e de pícaros e pícaras, así como pais e nais, que participaron nos diferentes obradoiros programados”.
Graña dixo que “para o Concello de Ribadeo foi unha honra axudar a poñer en valor a obra literaria de veciños e veciñas do noso concello, da Mariña lucense e tamén da comarca eonaviega. Especialmente emotivo foi o roteiro literario realizado o sábado pola mañá da man de Xavier Rodríguez Baixeras. Que persoas que compartiron momentos da infancia co autor puideran revivir os poemas de Rodríguez Baixeras escoitando a fonte de inspiración dos mesmos da man do autor, dálle dobre valor ao poema e á lembranza deses acontecementos relatados. E por suposto, ao espazo físico no que ocorreron”.
E engadiu que “o mesmo ocorreu coa presentación de A casa do vapor, proxecto realizado por Maumarela con nenos e nenas da zona, que crearon a súa historia sobre o tren de Vilaoudriz despois de lles escoitar aos seus avós as súas vivencias coa Chocolateira. Así mesmo, ver a nais e pais, cos seus pícaros e pícaras facendo xoguetes cos xuncos, ou pintando o seu propio libro, déixanos ben claro que a lectura pode, e debe ser, cousa de todos”.
Farruco Graña agradeceu desde a Concellaría de Cultura “o apoio recibido pola área de Cultura da Deputación Provincial de Lugo, a colaboración que nos prestaron desde as librarías locais (Vivín, Gráficas Santiago e Pícaros Mundi), a Escola Municipal de Música e Danza de Ribadeo, o Grupo de Teatro de Ribadeo e La Galería 56 e Legado Gurmet. Desde o Concello seguiremos a apostar pola celebración da Feira do Libro de Ribadeo. Seguiremos en contacto coas librarías participantes, pendentes da creación literaria da contorna e poñerémonos a preparar ben axiña a III Feira do Libro de Ribadeo do ano 2016”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
