Santiago, 2 de xullo de 2015.- Turismo de Galicia, en colaboración coa Universidade de Santiago de Compostela, elaborou una guía dos recursos xeolóxicos e xeomorfolóxicos da costa cantábrica de Galicia.
A publicación enmárcase no plan de conservación da praia das Catedrais e ten como obxectivo promover a oferta turística complementaria da Mariña Luguesa e impulsar, así, o turismo en toda a comarca.
Ademais, con esta nova publicación, Turismo de Galicia busca enriquecer a experiencia turística neste destino fóra da temporada estival, buscando así a desestacionalización das visitas e aumentando a estadía media do turista que se achega a coñecer este famoso paraxe.
Este inventario de recursos xeomorfolóxicos únese a outras publicacións editadas por Turismo de Galicia que ofrecen opcións complementarias na Mariña. Así, a guía “A Mariña Luguesa”, a publicación “Alén das Catedrais” ou a guía “Faros e Praias Salvaxes” demostran como esta comarca pode ser un destino atractivo os 365 días do ano.
A nova publicación recolle un estudo elaborado por Augusto Pérez, Catedrático de Xeografía Física da Universidade de Santiago, e Francisco Canosa, Doutor en Xeoloxía da Universidade de Oviedo, da riqueza xeolóxica e xeomorfolóxica da costa de Ribadeo e a súa contorna.
A zona analizada esténdese dende o Cabo de Estaca de Bares á Ría de Ribadeo, un sector de costa pertencente case na súa totalidade á provincia de Lugo, que se caracteriza pola súa diversidade tanto a escala detalle como no seu conxunto.
A través deste estudo, Turismo de Galicia quere dar a coñecer outros puntos de grande interese xeolóxico e xeomorfolóxico que non gozan do recoñecemento e popularidade da praia de As Catedrais pero que, porén, presentan un gran potencial e atractivo.
A guía, que está xa dispoñible na páxina web de Turismo de Galicia, está enfocada tanto para turistas e visitantes que queiran coñecer este destino desde outra perspectiva como para especialistas que estean interesados en afondar nesta riqueza.
Datos Mariña Luguesa
No pasado ano a Mariña Luguesa acolleu máis de 135 mil viaxeiros que realizaron máis de 256 mil pernoitas, o que supón un incremento de turistas do 8% en relación ao ano 2013 e unha suba das pernoitas do 7%.
No que vai deste ano 2015 as cifras van en aumento, xa que no primeiro cuadrimestre do ano chegaron xa á Mariña máis de 27 mil turistas, un 16% máis que no mesmo período do ano pasado.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
