Lugo 18 de agosto de 2015.- O voceiro do grupo provincial popular, Carlos Armesto e a vicepresidenta segunda e deputada delegada de benestar, igualdade e xuventude, Mari Teijeiro, manifestaron, este martes, que a Deputación de Lugo destina un 71,43% máis que o anterior Goberno bipartito ao Servizo de Axuda no Fogar básico de cada Concello lucense logo de que o actual executivo decidise destinar 500.000 euros máis a este servizo.
Nunha rolda de prensa ámbolos dous deputados tildaron de falsas as declaracións dos socialistas e deixaron moi claro que o actual Goberno provincial non variou, en absoluto, o reparto porcentual do investimento entre os Concellos senón que continuaron coas subvencións, bases e porcentaxes que PSOE-BNG aprobaron o pasado día 13 de marzo de 2015 nunha Xunta de Goberno.
“Se falan de discriminación é preciso que dean explicacións eles mesmos, xa que o reparto das subvencións fíxose atendendo aos criterios técnicos e as bases que eles estipularon”- manifestaron os populares quenes insistiron que o calculo e baremación de criterios foi técnico e a única decisión política foi a de incrementar a partida nun total de 500.000 euros mais, o que favorece que todos e cada un dos concellos reciba un 71,43% mais do que ían recibir se continuase no goberno o bipartito.
Con datos na man, Armesto e Teijeiro aseguraron que co goberno do PP todos os concellos da provincia de Lugo, con independencia da cor política, experimentan unha suba dos recursos destinados a axuda no fogar. “Os Concellos gobernados polo partido popular, o 50% do total, 33 municipios, perciben o 57% dos recursos; os do PSOE reciben 163.031 euros máis que cando gobernaba o bipartito, un total de 391.271 euros e os municipios do BNG 37.229 euros máis, ata sumar 89.351 euros”- expuxeron.
Voceiro e Vicepresidenta segunda acusaron aos socialistas de denunciarse a si mesmos posto que “están criticando o que eles mesmos aplicaron no seu día”, polo que os instaron a responder a esas diferenzas e discriminacións das que hoxe falan dende a oposición.
Os populares manifestaron que non ten sentido que os socialistas centren as súas críticas na poboación e insistiron en que se o criterio a ter en conta soamente fora a este, o PSOE ten que explicar por que, por exemplo, un Concello como Baleira cunha poboación de 1.392 persoas recibiu 26 euros por habitante, mentres que un Concello como Sarria, con 13.504 percibiu 0,20 euros por habitante.
Armesto e Teijeiro insistiron en que tivo que chegar un Goberno popular á Deputación de Lugo para que todos os Concellos perciban máis recursos para axuda no fogar e deixaron claro que as próximas bases non permitirán a discriminación que aplicou o PSOE no seu día, polo que serán revisadas.
“É comprensible que lles custe asumir que o Partido Popular estea a facer en apenas un mes o que eles non fixeron en oito anos, pero erran facendo críticas a este proceso que é totalmente limpo, transparente e respectou o 100% as regras de xogo que eles mesmos marcaron”- concluíron.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
