Burela, 26 de agosto de 2015.- O alcalde, Alfredo Llano, mantivo un encontro no Concello coa xefa territorial da Consellería de Educación na provincia de Lugo, Mariña Gueimunde, coa que abordou cuestións relativas ao inicio do vindeiro curso escolar e a obras pendentes de executar.
O rexedor contou que “estivemos a falar aquí, no Concello de Burela, de temas que nos preocupan agora mesmo, como obras que se queren realizar, e tamén de asuntos relacionados co alumnado e doutros relativos ao ensino en Burela”.
Llano explicou que “nesta primeira reunión, que maduraremos xa a vindeira semana, propuxémoslle a realización de melloras no pavillón de Os Castros, onde temos que cambiar a cuberta, obra que imos intentar facer para o ano que vén. E tamén nos interesamos por como van as obras no IES Perdouro, onde se vai facer unha ampliación para favorecer a Formación Profesional Básica nese instituto. Sabemos que van empezar inmediatamente e estivemos mirando os prazos previstos e interesámonos por outras cuestións relativas a esas obras, porque pensamos que son fundamentais e a ver se é posible poñelas a funcionar ao longo deste vindeiro curso”.
O alcalde burelés engadiu: “tamén falamos de temas referidos ao colexio Vista Alegre, concretamente sobre o comedor, que parece ser que para este curso vaise xestionar a través da Xunta de Galicia”. Para Alfredo Llano “en xeral foi un primeiro contacto e quedamos de seguir en comunicación para ver aqueles temas que nos poden interesar a ambos os dous para que o Concello de Burela e a Consellería de Educación teñamos unha colaboración mutua neses asuntos”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
