Lugo, 28 de agosto de 2015.- Dende a Deputación de Lugo infórmase en relación coa publicación na web institucional das declaracións presentadas polos deputados provinciais en cumprimento do artigo 74.7 da Lei 7/1985, de 2 de abril, reguladoras das bases de réxime local o seguinte:
• A Deputación de Lugo fixo efectiva a publicación dos datos patrimoniais dos novos deputados provinciais tras a toma de posesión da nova corporación
• Tendo constancia efectiva desta publicación remitiuse á Xefa de Servizo de Comunicación e das TICs un escrito no que dende o Goberno da Deputación se lle require un informe no que dea conta das circunstancias que motivaron o cesamento desta publicación. O referido escrito enviouse hoxe por correo electrónico e mañá faráselle chegar a través do rexistro interno da Deputación de Lugo.
• É necesario lembrar que, entre as principais funcións do servizo de Comunicación e TICs, atópase a de coordinación de proxectos relacionados coas novas tecnoloxías. Dende o servizo lánzanse diferentes proxectos de subministro e servizos particulares vencellados coas novas tecnoloxías e sistemas de información que teñen un marcado carácter transversal para a Deputación e os concellos (compra de equipos, mantemento de portais corporativos…)
• Do mesmo xeito, dende a Deputación de Lugo laméntase que por parte desta funcionaria se lle dea información antes á oposición que ao equipo de goberno, e como responsable do mantemento da web non se nos comunicase esta circunstancia. É cando menos criticable que unha xefa de servizo se dedique a obstaculizar ao goberno.
• O Goberno provincial informa a maiores que o rexistro de declaracións de bens e intereses dos deputados atópase en rexistro público e está a disposición de quen o desexe consultar na Secretaría Xeral da Deputación
• Por último, a Deputación de Lugo está a mellorar a transparencia tal e como lle requiriu o Valedor do Pobo ao PSOE cando tiña responsabilidades de goberno. Deste xeito, adoptamos medidas como a de desencriptar os decretos de Presidencia, xa que os socialistas ocultaran os conceptos en virtude dos cales se efectuaban os pagos das facturas. Ata tres denuncias do Grupo Provincial do Partido Popular foron admitidas a trámite polo Valedor do Pobo ante a falta de transparencia dos socialistas no goberno.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
