Ribadeo, 27 de agosto de 2015.- Polo IV Fórum de Innovación e Formación sobre Vehículos, que se celebra en Ribadeo, pasou este xoves José Antonio López, xefe de servizo de SEPIE, a axencia nacional de xestión do programa Erasmus +. López Álvarez destacou que este ano se aprobaron en España 307 proxectos de mobilidade, que implicarán que tanto alumnos coma profesores visiten outros países durante o curso 2015/2016 para completar a súa formación, e 39 proxectos de cooperación con outros centros e entidades, que coordinan entidades españolas.
O xefe de servizo de SEPIE expuxo na súa intervención accións clave e posibilidades no sector da FP: falamos das diferentes accións clave que ten o programa, as posibilidades de financiamento que hai para entidades que queren facer proxectos de cooperación europea, para non soamente mandar alumnos, que é a acción de mobilidade máis coñecida do programa, senón que tamén existen outras posibilidades: facer proxectos de cooperación con outras entidades, desenvolver materiais didácticos ou produtos doutro tipo de forma conxunta con outros países”.
José Antonio López Álvarez destacou que “en España estes programas teñen moita demanda, non podemos financiar todos os proxectos aprobados, o proceso é bastante competitivo, pero na convocatoria deste ano saíron aprobados 307 proxectos de mobilidade en todo o país, de centros que van mandar alumnos ou profesores fóra. E tamén temos 39 proxectos soamente no sector de Formación Profesional de centros que coordinaron iniciativas de cooperación”.
O profesorado que viaxa a outros países “descobre que hai moito que aprender doutros países, pero tamén que moitas veces as cousas se fan en España moito mellor do que nós pensamos. Sempre cambia a perspectiva que teñen os profesores respecto ao seu traballo: ven o que se fai fóra, o que se fai mellor e tamén o que se fai igual de ben aquí. E logo para o centro estes profesores son embaixadores do programa para os seus compañeiros, que se volven moito máis dinámicos”.
Na tarde deste xoves será APAGA, a Asociación de Profesores de Automoción de Galicia, a que presente os resultados do proxecto de mobilidade Aprender a aprender na FP, que os levou a viaxar a Italia, Alemaña e República Checa. Será ás 19:30 horas. E xa pola noite celebrarase a asemblea xeral anual do colectivo.
O IV Fórum de Innovación e Formación sobre Vehículos concluirá este venres. Nesa xornada falarase de tecnoloxía futura no presente, de Citröen como marca ao longo da historia e de motorizacións PureTech.
Xa o sábado e o domingo terá lugar a III Mostra de Vehículos Clásicos, nos xardíns do hotel O Cabazo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
