Ribadeo, 19 de agosto de 2015.- Unha mostra inaugurada este mércores na Oficina Municipal de Información ao Consumidor (OMIC) percorre os 60 anos de historia da Coral Polifónica de Ribadeo, a través dun conxunto de imaxes, recortes de prensa e carteis, entre outros materiais. A exposición foi inaugurada polo concelleiro de Cultura de Ribadeo, Farruco Graña, o comisario da mesma, Diego Rodríguez, e a directora da Coral, Mari Carmen Rodríguez. Estará aberta ata o 10 de setembro.
O edil de Cultural felicitou á formación e recalcou o feito de que os seus 60 anos ofrecen unha perspectiva histórica dunha vila profundamente ligada á música: “quedei impresionado mirando as fotografías porque 60 anos xa dan perspectivas histórica e vital. De feito, mirando uns dos cadros, dixen: ‘que fai aquí Carmen?’ Pero non estaba pensando en Carmen Rodríguez, a directora, senón na súa filla. É unha boa ocasión para ver estas fotografías de hai 40 ou 50 anos e ver como imos vendo reflectidos os nosos froitos, como imos vendo en nós mesmos aos nosos fillos e fillas. É o reflexo dunha actividade continuada que marca unha pegada, unha pegada de carácter musical nun Ribadeo sempre amante da música”.
Farruco Graña felicitou á Coral polo seu logro e tivo palabras de agradecemento para todos aqueles que ao longo dos anos estiveron vinculados á formación: “dende o Concello de Ribadeo, no nome de toda a Corporación Municipal, felicitamos a Carmen como directora, expoñente, proa visible desta Coral Polifónica e tamén a todas as persoas que ben son agora membros da Coral Polifónica ou o foron no seu momento. Temos tamén unha lembranza para todas aquelas persoas que xa non están connosco, pero que fixeron posible este proxecto musical”.
A recollida do material exposto na Omic é en boa medida froito do traballo de Gracia Martín Zapata, coralista e arquiveira do grupo: “o obxectivo que perseguimos é facer un breve percorrido por estes 60 anos da historia da Coral. Aínda que incluímos material dende o primeiro concerto inaugural, dende 1955, quixemos facer fincapé nos últimos dez anos, na historia máis recente, porque foi o material que non se recolleu noutras exposicións anteriores”, segundo explicou Diego Rodríguez, comisario da mostra.
Mari Carmen Rodríguez, directora da Coral Polifónica de Ribadeo, reivindicou o altruísmo e o bo facer que permitiron á formación celebrar o seu 60 aniversario e animou aos veciños a participar e integrarse na Coral para garantir o seu futuro: “todo o que hai aquí e os 60 anos da Coral son froito de máis de 250 persoas que ao longo destes 60 anos pertenceron a ela. É un traballo arduo, pero sen xente altruísta que poña parte do seu tempo libre e do seu bo facer ningunha sociedade levaría o paso adiante nin podería contar con tantos anos”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
