“Foz, Plataforma de Futuro” solicíta a limpieza integral da rúa Pasadoiro, substituir ou reparar a bomba de residuais dos servizos da praia de Llas, e o cambio da tubería de auga da zona de Ribela en Cangas

Foz, 29 de setembro de 2015.- O grupo Municipal de “Foz, Plataforma de Futuro” ven de solicitarlle ó Alcalde de Foz no pasado Pleno Municipal do 24 de septembro a través de tres rogos que actúe nos seguintes lugares do noso Concello para solucionar os problemas que alí se producen.

Rog á moslle ó Alcalde de Foz e o seu equipo de goberno proceda á limpeza integral da Rua Pasadoiro (calexón que vai dende a Avda. da Mariña ata Rúa Paco Maañón), xa que se encontra nun estado de abandono tanto pola suciedade que hai no chan como pola cantidade de maleza das beiras.

A continuación tamén se lle pide ó Alcalde do noso Concello e mais ó seu equipo de goberno proceda a reparar ou substituir a bomba de residuais que se encontra nos servicios da Praia de Llas, que nos últimos anos leva estropeada, así evitaríamos un gasto de diñeiro innecesario como se está producindo nos últimos tempos traendo un camión para vaciar a fosa séptica.

E por último rogamoslle ó Alcalde de Foz e ó seu equipo de goberno proceda a realizar as xestións oportunas para a obra de substitución da canalización da tubería de auga municipal no barrio da subida a Ribela, en Cangas, unha tubería de auga de mais de 30 anos e que nos últimos tempos está a romper moi a menudo, co perxuizo que iso supón para os veciños desta parte de Cangas con continuas faltas de auga e os desperfectos que supón a reparación de ditas avarías na estrada.