Foz, 21 de setembro de 2015.- O Grupo Municipal do Bloque Nacionalista Galego súmase cunha moción no vindeiro pleno ás numerosas críticas e queixas existentes en Foz polo estado de abandono e absoluta falta de limpeza na que se atopa o concello e que ten un novo episodio na proliferación de vertedoiros incontrolados, o que evidencia a absoluta falta de preocupación polos problemas do día a día por parte do grupo de goberno. “Que os vertedoiros incontrolados sigan aí só amosa o desleixo da equipa de goberno, pois a solución a este tema non require de esforzos orzamentarios senón de racionalización e organización do traballo da brigada e de dirección política. Estamos certas de que a proliferación destes vertedoiros non é descoñecido para o Concello, nuns casos porque os propios veciños puxeron en coñecemento da equipa de goberno a súa existencia e noutros porque levan tempo de abondo e en lugares ben visíbeis”, afirman desde o BNG.
“Non deixa de resultar curioso que algúns destes vertedoiros incontrolados se sitúen naqueles puntos do Concello con máis atractivo turístico. Así atopámonos con eles por exemplo na parroquia de San Martiño, a 700 metros da Basílica, no Pico da Lebre, por onde pasa unha ruta de sendeirismo, na contorna do Prado de Ramos, en Vilaxoane, ao pe do Paseo do Masma. É evidente que non é este o xeito co que un demostra que quere Foz ou que coida Foz” indican as concelleiras nacionalistas, que na súa moción solicitan que se proceda a eliminar os vertedoiros incontrolados localizados en San Martiño (Ver) e no Pico da Lebre e, de repetirse esta situación, que coloque carteis neses puntos prohibindo os vertidos e informando sobre o Punto Limpo. Nesta liña demandan tamén que se sinalice correctamente a situación do Punto Limpo e se publicite, mediante a campaña Cuido Foz, quero Foz, o servizo de punto limpo móbil.
O Bloque Nacionalista Galego esixe na mesma moción que se obrigue ao cumprimento do establecido no o artigo 7 da ordenanza municipal de limpeza urbana, do 26 de agosto de 2008, e que aplique as sancións correspondentes para evitar que esta situación se repita no futuro ao mesmo tempo que solicitan sexan resoltas as demandas dos veciños que presentan reclamacións que non son atendidas. A proposta dos nacionalistas reclama que o Concello garanta o cumprimento da norma que obriga a que os propietarios sexan obrigados a manter os seus terreos ou inmóbeis nun estado de limpeza, ornato e hixiene, posto que o abandono dos mesmos resulta un prexuízo xa non para os colidantes senón para o interese xeral na medida que afecta á imaxe do pobo. “A lexislación obriga ao Concello a que solicite dos particulares a manter a súas propiedades en condicións, en caso contrario deberao executar o Concello a conta dos propietarios” rematan as nacionalistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
