Sete dos participantes no Campionato de España de Motonáutica por radiocontrol celebrado no encoro de Riocobo, clasificados para o Mundial

Cervo, 7 de setembro de 2015. Sete dos participantes no campionato de España de motonáutica por radiocontrol celebrado esta pasada fin de semana no encoro de Riocobo clasificáronse para o mundial que terá lugar en Holanda no vindeiro ano 2016.

O concelleiro de Deportes, José Ramón Soto, manifestou hoxe que “o Concello de Cervo quere agradecer á Federación Galega de Motonáutica o feito de elixir o encoro de Riocobo para o desenvolvemento desta competición de carácter nacional, así como a aquelas entidades comerciais que colaboraron coa achega de trofeos, ao persoal do Concello de Cervo, a Protección Civil de Cervo e ao Club Piragüismo de San Ciprián, pola súa desinteresada colaboración con este evento”.

Clasificación:

Clasifícanse para o Campionato do Mundo do 2016 a celebrar en Holanda:
– Manuel García Muñoz, de Santander, en categoría de 27 c.c.
– Carlos Javier Campo Cosido, de Cantabria, en categoría de 27 c.c.
– Luis Coll Rosallen, de Valencia, en categoría de 15 c.c.
– Antonio Sánchez Castellón, de Valencia, en categoría de 15 c.c.
– Santiago García Colles, de Cantabria, en categoría de 7,5 c.c.
– Emilio Cadaveira Cid, de A Coruña, en categoría de 7,5 c.c.
– Juan José Rivas Gómez, de Cantabria, en categoría de 7,5 c.c.