A Mariña, 31 de outubro de 2015.- O BNG – ASEMBLEAS ABERTAS renovou nas pasadas eleccións municipais boa parte da representación institucional nos concellos da comarca, ademais do incremento no número de actas en relación ás anteriores corporacións pasando de 31 a 40, vinte catro son persoas que participan por primeira vez como representantes públicos. A formación nacionalista destacou a importantísima renovación na representación institucional nacionalista na comarca poñendo a disposición da veciñanza unha nova xeración de persoas novas, preparadas e dispostas a trasladar os problemas da xente ao campo institucional.
Corenta persoas a disposición da veciñanza ofrecer solucións e trasladar os problemas da xente aos concellos
Para a responsábel comarcal nacionalista, Ana Ermida, “é unha satisfacción saber que hai canteira con xente nova disposta a dar o paso e mollarse na tarefa de levar a voz e os problemas da xente aos concellos, na maioría dos casos de maneira altruísta, e disposta a deixar moitas horas da súa vida diaria polo interese xeral e por un ideal”. Ermida salientou, “ademais do incremento na representación obtida, a profunda renovación e a mocidade das novas concelleiras e concelleiros, nalgún caso mesmo asumindo responsabilidades de goberno como sucede nos concellos de Muras e Ribadeo”.
A formación nacionalista que concurriu nas pasadas eleccións municipais baixo as siglas “BNG-ASEMBLEAS ABERTAS” organizou unha xornada de formación dirixida a mellorar e acrecentar os coñecementos destas novas concelleiras e concelleiros sobre política municipal. Ana Ermida insistiu en que “desde xa, todas e todos están a disposición da veciñanza para canalizar ao terreo institucional todos aqueles problemas que nos queiran trasladar”.
O BNG lanza a precampaña da eleccións xerais integrado na coalición de base cidadá e política impulsada por IpU co nome de “Nós – Candidatura Galega”
A coalición electoral impulsada pola plataforma Iniciativa pola Unión, da que o BNG fai parte así como outras formacións políticas, organizacións sociais e persoas a título individual, está inmersa nun proceso de eleccións primarias para escoller as persoas que formarán as candidaturas que concorrerán as eleccións xerais do 20 de decembro coa marca electoral “Nós – Candidatura Galega”.
Trátase dun proceso de base cidadá, aberto e participativo onde calquera persoa, con ou sen militancia política, consciente da necesidade de que Galiza teña voz propia no Congreso sen tutelas alleas ao noso territorio, pode participar e mesmo presentarse para ir na candidatura polo simple feito de censarse dentro do prazo que remata o próximo 3 de novembro no espazo web aberto por IpU en censo IpU. Tamén está aberta a posibilidade de participar aos milleiros de mozas e mozos forzados a emigrar do noso país e a toda aquela xente interesada en traballar para mudar as políticas regresivas do goberno do PP no punto de vista social, e para defender cambios na profunda crise económica, de indentidade e capacidade produtiva que temos sufrimos nación galega.
A Plataforma Iniciativa pola Unión fará públicas as persoas que concorrerán ás eleccións primarias abertas o martes dous de novembro proclamando as candidaturas nas catro provincias que será sometidas a votación aberta a todas as persoas censadas para escoller as mellores o domingo 8 de novembro.
Na comarca da Mariña abriranse sete mesas electorais na maña do día oito entre as 11:00 e as 15:00 hrs. nas que se realizará o voto presencial, mais tamén son moitas as persoas censadas con residencia fora do territorio galego que participarán de maneira telemática.
As mesas electorais para as primarias abertas de IpU na comarca estarán nos seguintes concellos e enderezos:
· Viveiro: Conservatorio de Música. Travesía da Mariña S/N. votarán as persoas censadas de Viveiro, O Vicedo, Xove, Ourol e Muras.
· Burela: Casa da cultura. Rua Pardo Bazán, 6. Votarán as persoas censadas de Burela e Cervo
· Foz: Casa da cultura. Rúa de Lugo, 1. Votarán as persoas censadas dos concellos de Foz, O Valadouro e Alfoz
· Barreiros: Centro sociocultural Manuel Diaz Sampedro. Vila, 78 Bis, San Cosme. Votarán as persoas censadas dos concellos de Barreiros e Trabada.
· Ribadeo: Casa sindical. Av de Galiza, 20. Votarán as persoas censadas dos concellos de Ribadeo e A Pontenova.
· Mondoñedo: Casa da Xuventude. R/ Pacheco, 5. Votarán as persoas censadas dos concellos de Mondoñedo, Riotorto e Lourenzá.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
