O PSOE de Foz denuncia a “desinformación” do equipo de goberno sobre a situación do catastro

Foz, 13 de outubro de 2015.- O Partido Socialista de Foz quere denunciar a desinformación que segue ostentando o equipo de goberno, especialmente o alcalde, que nin está nin se lle espera respecto das recentes actuacións do catastro.

Atopamos situacións diferentes:

-Aumento do 12% da valoración catastral, base para a liquidación de impostos municipais, entre eles non só o IBI se non tamén a Plusvalía, solicitada polo Sr Alcalde en 2013, 2014 e 2015, a aplicar os anos 2014, 2015 e 2016 . Isto significa que en tres anos, a base sobre a que se liquidan estes impostos (e todos os relacionados co propiedade) sube ata un 40%

-Publicación da Ponencia Parcial de 2014, solicitada unilateralmente polo Alcalde, en pleno proceso de redacción do Planeamento. Non podemos esquecer que no seu programa municipal levaba que o PXOM estaba o 80% de redacción.

Ponencia para a que seguimos esperando o técnico do catastro que resposte as dubidas e aclaracións dos nosos veciños, pese a saír aprobado por maioría en pleno a súa solicitude o catastro.

Ponencia cuxos valores entraron en vigor o 1 de xaneiro de 2015 e sobre os cales se liquida o imposto de bens inmobles deste … .Máis a subida do 12% que nos regala o señor alcalde.

Ponencia que sigue dando os seus coletazos:

Faltan por chegar as actualizacións de valores nas fincas que pasan a rústica…moito nos apuramos no que subía, para recadar máis…e pouco para o que baixa que seguen estando os expedientes abertos e sen notificar os propietarios.

As contestacions recibidas as alegacions presentadas en 2014 son fundamentalmente desestimatorias, obrigando os propietarios a seguir os trámites das reclamacións economico-administrativas co conseguinte gasto. Sen que por elo se suspendera a entrada en vigor do valor que se discute, posto que se procede o cobro do IBI sobre do mesmo.

-A actual Regularización Catastral, da que están a chegar abundantes notificacións, é, en moitos casos, un imposto revolucionario (a taxa é de pago obrigatorio … logo xa veremos si se devolve se algo está mal feito) e noutros non reflicte a realidade cando iso é o que se pretende e polo que se dí se cobra. Regularización da que este alcalde tampouco deu conta nin información algunha os seus veciños.

Como vemos nin sobre as recentes cartas chegadas dende o catastro, nin sobre as notificadas anteriormente, se manifestou este noso señor alcalde, só par dicir que o noso Concello está saneado…. Como non vai estalo????? Si o sanea a conta dos focenses.