Burela, 13 de outubro de 2015.- O CD Burela FS Pescados Rubén despediuse na noite deste martes da Copa do Rei, en oitavos, fronte ao Aspil Vidal Ribera Navarra por un axustado 3-2, con sprint goleador laranxa. Os pupilos de Daniel Ibañes apostaron polo xogo de cinco nos dez últimos minutos para remontar o 3-0, con dianas de Chino (minuto 34) e Iago Rodríguez (37), sen tempo para máis. “Estivemos sempre no partido, con opcións, pero faltounos concentración en defensa. Esa intensidade defensiva que soubemos despregar nos primeiros partidos de liga non a tivemos hoxe” aseguraba o técnico burelista ao finalizar o encontro.
Ribera e Burela viviron un primeiro tempo moi equilibrado , con gol de Hamza no minuto 15, aproveitando un erro dos galegos. “A primeira parte estivo moi igualada, coas mesmas opcións, aínda que un fallo noso de control deulle a oportunidade de adiantarse ao rival. Aínda así, con 1-0 tamén dispuxemos de ocasións” explicaba Daniel.
Tras o descanso, os mariñáns tiveron que pelexar contra a fenda do 3-0 xa no minuto 23, con contra de Pedro e despois Andresito. Rozando o ecuador da segunda parte, Iago Rodríguez enfundou a camiseta de porteiro-xogador para recuperar o marcador, gañando confianza no xogo de cinco; recortou Chino no 34 e despois o propio Iago no 37. Segundos despois o gol do empate estivo nunha contra de Antoñito que se marchou desviado. Aínda dispuxeron de balóns de Copa Chano, Iago Rodríguez e Iago Míguez, aínda que a fortuna goleadora esta vez deulles as costas aos de Burela.
.Jumilla. A escuadra mariñá volve afanarse cento por cento na liga. Vista Alegre acollerá o próximo compromiso, o sábado, ás 18.30 horas, coa visita do Jumilla B. Carchelo, 14º clasificado, con 3 puntos.
Resultados de oitavos:
Real Betis FSN – Movistar Inter (mércores 14)
Mosteiro Bembrive 3-7 Catgas E. Santa Coloma
Silver Novanca 3-4 Peñíscola RehabMedic
FS Valdepeñas 0-2 Palma Futsal
P. Romeu Cartagena 0-6 ElPozo Murcia
FC Barcelona Lassa 4-1 Magna Gurpea
Jaén P. Interior 3-2 D-Link Zaragoza
Aspil Vidal Ribeira Navarra 3-2 Burela Pescados Rubén
Ficha técnica
Aspil Vidal Ribera Navarra: Zardoya, David, Rubi, Andresito, Pedro, cinco inicial; tamén xogaron Luisma, Pazos, Joselito, Hamza, Roger, Javivi
CD Burela FS Pescados Rubén: Álex, Iago Rodríguez, Chano, Chino, Hélder, cinco inical; tamén xogaron Antoñito, Jorge, Iago Míguez, Renato, Isi,
Goles: 1-0, minuto 15, Hamza; 2-0, minuto 22, Pedro; 3-0, minuto 23, Andresito; 3-1, minuto 34, Chino; 3-2, minuto 37, Iago Rodríguez
Tarxetas amarelas: Por Ribera a Luisma (minuto 32). Por Burela FS a Antoñito (minuto 15), Renato (minuto 27), Chano (minuto 31)
Partido de oitavos de Copa do Rei disputado en Tudela
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
