Reunión do subdelegado do Goberno cos representantes da Administración periférica na provincia

Lugo, 22 de outubro de 2015.- O subdelegado do Goberno en Lugo, Ramón Carballo, reuniuse este xoves pola mañá, na sede da Subdelegación, cos diferentes responsables da Administración periférica do Estado na provincia para ter coñecemento da evolución das accións que se están a desenvolver dende cada un dos entes estatais.

Esta xuntanza enmárcase dentro da denominada Comisión de asistencia ao subdelegado, que pretende dar unha maior cohesión e coordinación ás medidas que o Goberno do Estado está executando, ou prevé executar no futuro, en Lugo.

De carácter informativo, esta Comisión pretende afondar no traballo en equipo, na valorización de ideas e na interconexión de pareceres e comprobar os obxectivos acadados, co gallo de evitar disfuncións da Administración e coa finalidade de seguir traballando nun mellor servizo prestado aos cidadáns da provincia.

Neste encontro estiveron o subdelegado do Goberno; o secretario xeral da Subdelegación; o xefe da dependencia de Traballo e Inmigración; a xefa da Unidade contra a violencia sobre a muller; a directora provincial do INSS; o capitán marítimo de Burela; o director do centro penitenciario de Monterroso; a directora provincial do Servizo Público de Emprego Estatal; o xefe da Unidade de Carreteras; a delegada da AEAT en Lugo; o delegado provincial de Economía e Facenda; a delegada provincial de MUFACE; a xefa provincial de Tráfico; o xefe do servizo provincial de Costas; o xefe da Unidade de Agricultura e Pesca; o responsable provincial da CHMS; a xefa da unidade provincial de Fogasa; e o xefe provincial de Telecomunicacións; ademais do subdirector do Cetal e o xerente de Tragsa en Lugo.