Celestino García Paz, en representación do Grupo Municipal Popular de Viveiro, realiza á Alcaldesa da Corporación os seguintes ROGOS para o próximo Pleno, ó obxecto de que se subsanen as deficiencias sinaladas coa maior prontitude posible:
1. Varios veciños que acceden á rotonda da Misericordia dirección Vieiro (marxe dereita) manifestan a necesidade da instalación de bolardos onde estaba situado Talleres Auto–Lar, debido a que algúns vehículos estacionan na zona para os viandantes o que obliga ós peóns a invadir a estrada, co conseguinte perigo para a súa integridade física. Por este motivo ROGAMOS ó equipo de goberno que volte a instalar bolardos nesa zona para protexer o paso dos viandantes.
2. No Barrio de Verxeles ao carón dos nº 25-27 ( estrada xeral ), están situados uns colectores do lixo que impiden a visibilidade dos conductores cando saen do garaxe do citado edificio para incorporarse á estrada, situación que ten provocado varios accidentes. Por este motivo ROGAMOS ó equipo de goberno lle busque unha solución a esta situación para evitar riscos innecesarios.
Igualmente, o edil popular realiza varias preguntas:
1. Despois de que os nenos e nenas non poideran disfrutar durante todo o verán do parque e zona de ocio de Parquemar na parroquia de Covas, entre outros motivos porque houbo que deixar medrar o céspede, unha empresa instalou o rego automático en dito parque, obra que non se contemplaba no proxecto inicial, nin na obra adxudicada á empresa Oziona. Por este motivo lle PREGUNTAMOS á Sra. Alcaldesa:
• Que presuposto tivo dita obra para o rego automático?
• Quen o vai financiar?
2.No barrio de Escourido, da parroquia de Covas, na pista que vai á Insua, fixéronse no ano 2010 unhas obras de canalización tanto para a auga coma para o alumeado público , así como para dotar de enerxía eléctrica á area etnográfica. A día de hoxe descoñecemos a situación actual destas obras, constándonos que so se fixa a obra civil e o resto está en absoluto estado de abandono, motivo polo que lle preguntamos á Sra. Alcadesa:
• Cando teñen pensado rematar definitivamente e dun modo completo as mencionadas obras?
3. No pleno do 8 de xaneiro do 2015 aprobouse por unaminidade a moción presentada por este grupo municipal relativa a colocación de Carteleiras informativas no noso Concello. Acordouse facultar á Sra. Alcaldesa para facer as xestións necesarias coas empresas, así como buscar os sitios idóneos para instalar ditas carteleiras informativas polas distintas parroquias do Concello.
Como a día de hoxe non nos consta a colocación das carteleiras e ante a insistencia de moitos veciños das distintas parroquias, e polo que lle preguntamos á Sra. Alcaldesa:
• Reuniuse ou fixo algunha xestión con algunha empresa ó respecto?
• Dado que as empresas funerarias eran as máis interesadas en costear este servizo, contactou con elas para falar de dita posibilidade?
• No caso de terse reunido con empresas, a que acordos chegaron?
• Se non fixo ningunha reunión e dado que xa transcurriron máis de 9 meses dende a aprobación desta moción, cando ten pensado reunirse coas empresas para abordar este asunto?
4. Este grupo municipal solicitou en varios plenos nos anos 2013 e 2014 a colocación de marquesinas para as paradas de bus nos Barrios do Chao en Celeiro e da Cruz en Covas. Nesta última hai unha marquesina desmontada dende o 23 de xullo de 2014, ocupando un terreno privado – co permiso do seu dono – e que só habería que colocala. Na última ocasión que nos interesamos por este tema nun pleno, a resposta da Sra. Alcadesa foi que se colocarían “cando se poida e cando haxa orzamento”. Esta marquesina era habitualmente moi usada polos nenos e nenas que acuden ó colexio. Como queira que a día de hoxe – máis dun ano despois – , e dado que o curso escolar xa comenzou hai máis de dous meses e polo que lle preguntamos á Sra. Alcadesa:
• Un ano despois hai orzamento ou vai habelo para a colocación destas marquesinas?
• Teñen pensado colocalas a curto plazo ou os veciños terán que agardar un ano máis?
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
