Os Voluntarios de Alcoa San Cibrao clausuran este venres, 30 de outubro, o Mes do Voluntariado de Alcoa cunha intensa xornada na que, mentres un nutrido grupo de voluntarios acondiciona a zona de descanso do Faro de Roncadoira en Xove para goce da comunidade, outro grupo pintará as dependencias da Casa de Acollida de Cáritas en Viveiro. Tanto esta organización benéfica coma a Asociación Saiñas de Xove recibirán senllas axudas de 3.000 dólares de Fundación Alcoa como respaldo a estas iniciativas solidarias dos traballadores de Alcoa San Cibrao.
Os voluntarios de Alcoa unirán forzas cos de Asociación Saiñas nos traballos de acondicionamento da contorna de Vilachá, en dirección ó Faro Roncadoira no municipio de Xove, onde instalarán dúas mesas e bancos de madeira para crear un merendeiro, repararán e vernizarán a barandilla de madeira xa existente e plantarán carballos e castaños que no futuro darán sombra ao merendeiro.
Mentres tanto, outro grupo traballadores voluntarios, armados de brochas, dispoñeranse a dar un novo aspecto á casa de acolleita de persoas en situacións difíciles de Cáritas en Viveiro, coa intención crear un ambiente renovado e máis agradable ás distintas estancias da vivenda.
Asociación Cultural Saiñas desenvolve actividades culturais desde fai 30 anos na Mariña lucense, principalmente vinculadas á música e o folclore tradicional. No seu currículo figura a participación en diversos festivais folclóricos nacionais e internacionais con grupos infantís e de adultos, como o Gotha en Alemaña, e unha diversidade de actos culturais e solidarios. Os voluntarios de Alcoa San Cibrao colaboraron con esta organización tamén na restauración da fonte de pedra de Toimil, na parroquia de Xuances, en Xove.
Cáritas Interparroquial de Viveiro, con quen os voluntarios de Alcoa veñen colaborando desde fai máis de dez anos, presta atención e asistencia a persoas necesitadas ou en situación de precariedade, en forma e medida adecuada a cada caso. Por exemplo, fornecendo ou preparando alimentos a domicilio, roupeiro social, axuda económica puntual, compañía a enfermos e persoas maiores, e programas para favorecer a reinserción laboral. Caritas conta tamén cun centro de acolleita para persoas sen fogar.
Alcoa San Cibrao e os seus voluntarios veñen apoiando a Cáritas, tanto con recursos para os necesitados como en tarefas para facilitar ou mellorar o seu labor, como o traslado do antigo roupeiro a novas instalacións, a reparación da casa de acollida e tamén colaboran cada ano na recolleita de alimentos en Nadal, entregando uns 700 kg cada ano procedentes das achegas dos empregados da fábrica.
Durante o Mes do Voluntariado de Alcoa, que a fábrica de San Cibrao clausura est venres, os voluntarios intensificaron as súas actividades para beneficio da comunidade da Mariña e en especial para os colectivos que precisan unha atención especial. Ademais das actividades programadas con Cáritas de Viveiro e a Asociación Saiñas de Xove, ao longo deste mes de outubro os voluntarios de Alcoa organizaron a III Carreira Solidaria para promover unha vida saudable e recoller alimentos para Cáritas de Xove, ensinaron aos alumnos do IES Marqués de Sargadelos sobre os procesos da fábrica e os valores de Alcoa, organizaron un taller de adornos de Nadal, creado un xardín de prantas aromáticas no Hospital San Pablo e San Lázaro de Mondoñedo e levado ao teatro ás persoas da Asociación de Axuda ao Enfermo Mental A Mariña.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
