O 25 de novembro celébrase o Día Internacional da Eliminación da Violencia contra a Muller. Por este motivo, o Concello de Viveiro organizou durante o mes de novembro as Xornadas en Contra da Violencia de Xénero, nas que se incluíron distintos actos dirixidos aos públicos infantil, xuvenil e adulto.
A programación referida incluíu actos simbólicos, como a gran pancarta que colga da fachada da Casa do Concello dende o 7 de novembro, co lema “contra as violencias machistas”, ou o panel instalado na sala multiusos da casa do concello, cun gran lazo de cor violeta, no que se poden escribir mensaxes de ánimo ás vítimas.
Incluíu, tamén, unha exposición titulada “Cartas de amor”, que estivo exposta na sala multiusos da Casa do Concello do 9 ao 16 de novembro e que incluíu un obradoiro para os alumnos de 2º de ESO, e un ciclo de cine titulado “Cine para a reflexión”, con distintas proxeccións en funcións da idade dos destinatarios. Os alumnos de ESO achegáronse ao Teatro Pastor Díaz o 13 de novembro para ver a a película “Sexting in suburbia” e, posteriormente, participar nunha charla-coloquio sobre os contidos da película coa colaboración da Policía Nacional, unha actriz da TVG, unha psicóloga, a asesora xurídica do CIM e representantes do alumnado. O turno do público adulto tivo lugar o 19 de novembro, ás 20.30 horas, coa proxección do filme La teta asustada e o debate posterior sobre os temas tratados. Os alumnos de infantil de todos os centros educativos público infantil achegarase ao teatro o vindeiro xoves, 26 de novembro, para a proxección de dúas curtametraxes de animación para educar en valores como a igualdade, a tolerancia e o respecto, entre outros moitos (estas proxeccións para o público infantil estaban programadas para o día 19 de novembro de 2015, sendo necesario pospoñelo por motivos alleos ao Concello).
Este mércores 25 de novembro, coincidindo coa celebración desta data, ás 20.30 horas, na sala multiusos da Casa do Concello, terá lugar un acto, contra as violencias machistas, que inclúe a lectura dun manifesto por parte da actriz galega Estívaliz Veiga e unha breve actuación musical. Para concluir estas xornadas, o lazo que estivo exposto durante este mes na sala multiusos, coas mensaxes de ánimo ás vítimas, será colgado do balcón da Casa do Concello.
Finalmente, dende o Concello de Viveiro queremos animar a todos e todas a participar neste último acto das xornada contra a violencia de xénero.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
