O Concello de Muras pon en valor un dos produtos da zona ó tempo que impulsa a dinamización das parroquias do municipio. Nesta ocasión, a través do mel e a praza do Viveiró que serán os protagonistas da I Feira do Mel de Montaña que se celebra este domingo 22 de novembro coincidindo coa data na que se celebraba fai anos a feira do Viveiró.
Con boa parte dos produtores do municipio presentes na feira para a venda do seu mel; a oferta do evento completarase con expositores para a venda doutros produtos apícolas e ferramentas da apicultura.
A Casa do Mel de Goente participará con exposicións e realizará actividades de divulgación baseadas, principalmente, na preocupación ante a vespa velutina. Igualmente, ofrecerá obradoiros de cera dirixidos a nenos e nenas.
Tamén haberá expositores con outros produtos alimentarios de calidade e da zona. Así mesmo, a artesanía estará presente na cita da man de dous artesáns da asociación Obradoiros Artesáns da Terra Chá. O torneiro Tito Ledo e a oleira Pepa Lombao ofrecerán demostracións en vivo dos seus respectivos oficios.
Pero, unha cita coma esta non podía pecharse sen capítulo gastronómico. Neste sentido, o chef Álvaro Villasante, do Restaurante Paprica e membro do Grupo Nove, ofrecerá un show-cooking sobre o uso do mel en pratos salgados.
E, á hora do xantar, poderase degustar pratos elaborados con mel nunha carpa instalada na propia praza.
Xa pola tarde, a programación festiva completarase cun magosto e queimada popular amenizados pola música do dúo Pedriñas.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
