Foz, 27 de marzo, 2026. A Mariña Federación celebrou no salón de actos do Cenima de Foz unha mesa sectorial centrada na evolución do turismo na comarca e no seu impacto no comercio, na hostalaría e nos servizos locais. O encontro reuniu representantes institucionais, profesionais do sector e axentes económicos, que durante hora e media debateron sobre os retos e oportunidades dun territorio en plena transformación turística.
O turismo, motor económico en expansión
O deputado de Recursos Sostibles e alcalde de Foz, Francisco Cajoto, destacou o papel crecente do turismo como motor económico da Mariña Lucense. Subliñou o labor da Deputación de Lugo na mellora de infraestruturas, na conservación do patrimonio, na dinamización dos produtos locais e no apoio ao emprendemento, lembrando tamén a achega provincial de 25.000 euros á Mancomunidade para reforzar o xeodestino.
Cajoto incidiu en que a comarca experimentou “un cambio profundo” nos últimos quince ou vinte anos, pasando dun modelo moi estacional a outro no que o turismo funciona como un sistema económico máis amplo e sostido ao longo do ano. Engadiu que este sector “é un polo de atracción para quedarse a vivir na Mariña”, e apelou á profesionalización dos recursos, á aposta polo Camiño do Mar e pola Ruta Pardo de Cela, e á necesidade de xestionar adecuadamente o fenómeno das autocaravanas.
Datos que avalan o crecemento
A xefa de área de Turismo de Galicia en Lugo, Paloma Vázquez, destacou que a Mariña está próxima a alcanzar os 200.000 visitantes anuais. No 2025 rexistráronse 190.438 viaxeiros, un 1% máis que o ano anterior, e máis de 384.900 pernoitas, cun incremento do 4,7%. Estes datos, afirmou, “confirman o potencial dun territorio que aposta polo turismo de experiencias e fuxe da masificación”.
A Xunta colabora coa Mancomunidade na xestión do xeodestino, financiando accións de promoción turística desestacionalizada e apoiando o Plan de Sostibilidade Turística da Mariña, dotado con 1 millón de euros.
A visión do sector: oportunidades e desafíos
A mesa contou tamén coa participación de Tania Hermida, xerente da Mancomunidade; Carmen Cruzado, presidenta de A Mariña Federación; e representantes do tecido económico da comarca.
Entre os datos expostos, salientouse que a Mariña conta con máis de 3.000 aloxamentos de todo tipo, que suman arredor de 23.000 prazas. José Manuel Villapol, de Finca Goleta, advertiu de que, malia ocupar o segundo posto en Galicia en número de prazas, “o gasto diario por persoa é mellorable”, e alertou do risco de saturación en momentos puntuais: “temos que saber moi ben cara onde queremos ir”.
Desde Acia Foz-CCA, o seu presidente, José Carlos Paleo, apostou pola dinamización das vilas durante todo o ano mediante eventos deportivos e culturais que xeren movemento tamén na tempada baixa.
Carmen Delia Díaz, de La Guiateca, puxo o foco na importancia do Camiño de Santiago, do Camiño do Mar e doutras rutas que permiten distribuír os visitantes por toda a comarca. Tamén apelou a ter en conta os nómadas dixitais e o turismo rexenerativo, e reclamou melloras no transporte —tren e autobús— e medidas contra o intrusismo nos aloxamentos e nos free tours.
Novas actividades e retos ambientais
O sector destacou a aparición de numerosas actividades ao aire libre froito da desestacionalización: escolas de surf, rutas, visitas guiadas, experiencias artesanais, a Tirolina da Pontenova ou o Labirinto de Rinlo. Antón Rodríguez, de Sensación Surf, explicou que traballan practicamente todo o ano e alertou da presenza cada vez máis frecuente da carabela portuguesa, pedindo apoio institucional para a súa retirada e evitar o peche de praias.
Jorge López, de O Forno de Tovar, sinalou que “o turismo mellorou moito nos últimos anos” e que as pontes, festivos e fins de semana de bo tempo atraen visitantes de Lugo e doutras zonas de Galicia, polo que é necesario “facer as cousas ben todo o ano”.
Conclusión: un sector en crecemento que demanda coordinación
Todos os participantes coincidiron en destacar o bo momento que vive o turismo na Mariña, cada vez máis desestacionalizado e presente nos municipios desde Semana Santa ata o Pilar. Apostaron por seguir mellorando, por reforzar a coordinación institucional e por avanzar nun modelo sostible e profesionalizado.
A presidenta de A Mariña Federación, Carmen Cruzado, agradeceu a participación e definiu o foro como “un punto de encontro e reflexión para dar voz ás preocupacións e necesidades dos sectores representados”.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
O Concello informa de este mércores producirase un corte no subministro de auga en varias parroquias con motivo das obras de abastecemento que se están a realizar en Landrove. As zonas afectadas serán as parroquias de Chavín, San Pedro, Valcarría, Landrove, Galdo e Magazos ata Ruanova. O corte está previsto entre as 9.00 e as 15.00 horas aproximadamente, polo que se recomenda á veciñanza que tome as medidas oportunas durante esa franxa horaria. Desde o Concello pídeselle comprensión á cidadanía polas molestias que esta incidencia poida ocasionar e lémbrase que se trata dunha afección puntual derivada dunha actuación necesaria para a mellora da rede de abastecemento.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A iniciativa, organizada polos concellos de Navia, Coaña e Villayón xunto coa asociación AISPA, reuniu máis de 70 persoas. Explicáronse requisitos, prazos e novidades dun proceso cuxo prazo remata o 30 de xuño. Os tres municipios detectaron a necesidade de ofrecer información e apoio á poboación migrante para facilitar a súa regularización e acceso ao emprego, especialmente nun momento no que sectores como os coidados, a construción e o metal precisan man de obra. Os concellos valoran a alta participación e lembran que para dúbidas adicionais está dispoñible o teléfono 655 608 610.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
