Foz, 19 de novembro de 2015.- O equipo de goberno do Concello de Foz levará ao próximo pleno da corporación municipal unha petición á Deputación de Lugo para que o organismo provincial dea apoio financeiro ás obras de reorganización da rúa Álvaro Cunqueiro e da Avenida da Mariña. Así o anunciou o alcalde, Javier Jorge Castiñeira, que este mércores presentou o proxecto na Xunta de Portavoces e tamén a representantes de Acia Foz. O rexedor asegura que buscará o apoio das distintas administracións para unha iniciativa de vital importancia no municipio.
O alcalde explicou: “o goberno local levará ao próximo pleno a petición á Deputación de Lugo de financiar a obra do proxecto de reorganización da rúa Álvaro Cunqueiro e Avenida da Mariña. En concreto, é a parte que corresponde á Deputación de Lugo, a vía LU-2006, que colle a rúa Álvaro Cunqueiro ademais doutras rúas do concello. O que solicita o grupo de goberno é que a Deputación absorba o financiamento desta obra que está practicamente deseñada, ese proxecto que no seu momento financiou a Deputación de Lugo, coa anterior presidenta Elena Candia e coa confianza de que unha vez feito se realizara a obra e se puxera nos orzamentos do ano 2016 o financiamento desa actuación”.
“Estamos contentos porque onte se fixo unha Xunta de Portavoces e presentouse este proxecto por parte dos redactores que están traballando actualmente na súa elaboración. Participou tamén o presidente de Acia, que ten un interese enorme en que esta actuación vaia para diante e nós confiamos en que sexa así. A Deputación ten que involucrarse posto que así se comprometeu no mes de agosto a anterior presidenta, Elena Candia. De feito a redacción deste proxecto está financiada pola Deputación e confiamos en que o novo presidente siga pensando o mesmo, que é un proxecto importante para Foz e para a provincia, que os nosos concellos teñan vías xeradoras de comercio. A nova creación do Centro Comercial Aberto hai un ano necesita un espazo, que non é outro que as zonas máis comerciais de Foz, a rúa Álvaro Cunqueiro e a Avenida da Mariña. Polo tanto o que pedimos é que a Deputación continúe con ese compromiso iniciado por Elena Candia. Confiamos en que o presidente Darío Campos vai continuar con esa tramitación, toda a corporación está unida en que este é un proxecto fundamental para Foz e continuaremos con ese proceso de presentación”, manifestou Castiñeira.
O alcalde salientou que “agora a reunión foi cos portavoces e para os próximos días será co conxunto de comerciantes e veciños que queiran ver esa exposición. O Concello ten medios económicos para absorber as partes que non absorban outras administracións. A Deputación debe financiar o arranxo da obra que pertence á súa vía, a Rúa Álvaro Cunqueiro, e imos pedir o compromiso da Xunta para a Avenida da Mariña”.
“É ben certo que a Concello está en condicións económicas, posto que non ten créditos bancarios a día de hoxe, de asumir unha parte do financiamento e de facer unha das obras máis importantes nos últimos anos, se cadra a máis necesaria a día de hoxe, que xeraría emprego, actividade comercial e un cambio absoluto no turismo e noutros ámbitos. Polo tanto imos pedir que toda a corporación aprobe este proxecto por unanimidade, que todos se fagan donos desta idea, non só a corporación senón tamén a Acia e todos os veciños. Con respecto á actividade dos tres portavoces da oposición na reunión de onte, estamos moi contentos e vemos que teñen disposición de aportar o máximo que poidan. De feito onte saíron ideas súas que se van ter en conta no proxecto. Creo que é un proxecto global, de interese xeral no concello, e a implicación de todos os grupos vai ser máxima, dentro das nosas capacidades. Entre todos xuntos trataremos de facer presión a todos os nosos representantes noutras administracións para que axuden a que este proxecto sexa unha realidade”, asegurou o rexedor municipal focense.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
