Lugo 23 de novembro de 2015.- O Grupo Provincial do Partido Popular pedirá este martes en pleno a través dunha moción que se reforcen as competencias que ten o pleno da Deputación de Lugo ante a debilidade que ten manifestado o Goberno bipartito “incapaz de xestionar a institución polas súas loitas internas”.
Os populares na Deputación consideran que a “falta de entendemento” entre os membros do Goberno provincial “non está a permitir un correcto funcionamento da institución, cuxa xestión se atopa paralizada en mans de socialistas e de nacionalistas”. Deste xeito, a petición do Grupo Provincial do Partido Popular encamíñase a que sexa o órgano do pleno o que reforce esta situación de desamparo e permita que se “garante unha xestión pública en condicións para atender as peticións dos lucenses”.
Os deputados do Grupo Provincial do PP consideran que a través desta iniciativa se poderá velar polo “bo funcionamento da Deputación, xa que estamos ante un goberno moi débil, sobre o que está demostrado que non se pode depositar a responsabilidade de marcar as directrices dunha institución provincial”.
En concreto, na iniciativa popular pídese unha modificación do Regulamento Orgánico de Funcionamento da Deputación co obxecto de que se restablezan no pleno todas as súas competencias, que no seu día foron delegadas á Xunta de Goberno, “este último órgano atópase paralizado e limítase a adoptar iniciativas de bloqueo das medidas tomadas polos populares no Goberno. Está a dar marcha atrás”.
A maiores, a moción tamén inclúe a regulación do uso de todos os locais de reunión da corporación provincial, para a súa utilización por todos os deputados provinciais, coa finalidade de que estes podan levar a cabo as actividades propias á súa condición de deputados provinciais. Do mesmo xeito, tamén esixen que esta modificación do ROF inclúa que o dereito ao acceso á información por parte dos deputados provinciais, leve implícito o libramento de copias dos documentos, agás aqueles que se exceptúen por lei.
Deste xeito, o Grupo Provincial do Partido Popular e a través desta iniciativa só buscar garantir o funcionamento da Deputación de Lugo, “xa que as mans nas que se atopa, non teñen interese pola institución, só por resolver os seus problemas internos que semella que cada día van a máis, mentres as demandas dos veciños continúan a ser desatendidas”.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
