Burela, 4 de novembro de 2015.- O pavillón Vista Alegre contará con cobertura 4G para a retransmisión dos partidos de fútbol sala feminino e masculina, que alí se disputan. O alcalde, Alfredo Llano, agarda que esta nova sexa unha realidade nun par de semanas. Tamén dentro duns días darán comezo algunhas das obras demandas a Costas por parte do Concello burelés.
O rexedor contou que este mércores “estiven falando con responsables de Costas e aseguraron que para a semana que vén, salvo que haxa mal tempo ou calquera outra circunstancia que o impida, vamos a colocar xa o monolito no Cabo Burela, que está encargado dende hai tempo e que leva unha lenda e unha información da latitude e a lonxitude exacta do lugar onde se vai situar. É algo que lles fai moita ilusión aos xubilados do mar. No seu momento diremos o día concreto para invitar a todo o mundo que queira asistir á colocación no Cabo Burela deste monolito, que é moi esperado por moita xente”.
Llano seguiu a relatar que “por outro lado, Costas tamén vai iniciar en breve o pintado para mellorar o valado que hai no paseo marítimo, que se está estragando e necesitaba un mantemento. Vaise facer xa con urxencia para que quede listo para todo o inverno e tamén preparado para a Semana Santa e para o verán. É algo que se vai acometer inmediatamente, salvo que haxa algo que o impida, como pode ser o mal tempo. Pero temos a seguridade de que se vai facer”.
Sobre a iluminación do paseo marítimo de Burela o alcalde, Alfredo Llano, indicou que “tamén tíñamos feito unha petición para repoñer varias luces LED no paseo marítimo, que xa nos foron aportadas por Costas. Son cerca de 300 e vamos colocalas no paseo marítimo pouco a pouco co persoal de obras e servizos do Concello, concretamente cos electricistas, para facer a reposición destas luces que están estragadas e algunha nova que é necesario poñer. A mellora da iluminación no paseo marítimo era algo moi demandado, dado que hai moitos espazos que están moi escuros. Polo tanto vamos procurar que aquela xente que pasee de noite o pola mañá moi cedo teña total facilidade para poder ir polo paseo marítimo”.
E engadiu que “se vai colocar tamén unha pasarela de madeira, que xa temos feita, pero posiblemente non a instalemos ata Semana Santa ou ata o verán na praia de Ril, porque de inverno non convén tela colocada porque quedaría a mercé dos temporais. É unha pasarela que se fixo para favorecer que poidan baixar a esa praia as persoas maiores ou que teñen algún tipo de discapacidade”.
O rexedor amosouse contento “porque tíñamos solicitado á compañía telefónica un servizo de 4G para poder emitir partidos en directo dende o noso pavillón polideportivo Vista Alegre e hoxe acábanme de confirmar que en breve, ao mellor xa nun par de semanas, estarán colocados os aparellos necesarios para que se poida transmitir desde o pavillón Vista Alegre con todas as garantías e cunha cobertura total. É unha cuestión nova, que penso que vai ser moi boa, porque é unha oportunidade grandísima para favorecer a retransmisión dos partidos de Primeira División de fútbol sala que se xoguen, tanto do equipo masculino como do feminino, desde o noso pavillón. Por tanto penso que é unha boa noticia para nosoutros e tamén para os responsables do Burela Fútbol Sala. Era algo demandado, tiñámolo solicitado dende hai tempo e estábamos agardando as noticias. E hoxe acaban de comunicalo os responsables de Telefónica e polo tanto xa podemos dicir con toda a garantía que dentro de dúas semanas aproximadamente vai haber unha boa cobertura con esta nova tecnoloxía de 4G”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
