Ribadeo, 28 de decembro de 2015. A pista de xeo natural instalada no parque de San Francisco está sendo, segundo o alcalde, Fernando Suárez, “unha auténtica revelación na comarca da Mariña e no Occidente asturiano”. Ás instalacións, abertas ata o 10 de xaneiro todos os días, acoden unhas 250 persoas ao día e, segundo avanzan as xornadas, medra o número de entradas bonificadas por compras de máis 20 euros no comercio local asociado a Acisa.
O rexedor declarou: “penso que se pode denominar como unha auténtica revelación para a Mariña e o Occidente asturiano ter esta pista de xeo natural en Ribadeo, que promovemos dende o Concello coa colaboración da Asociación de Comerciantes. Recibe unha media, porque non podería dicir o día maior ou menor, de 250 persoas ao día nos diferentes horarios, pola mañá de 12 a 14 horas e pola tarde, de 17 a 22 horas, e constitúe un auténtico aliciente para vir a Ribadeo, non só para que os de Ribadeo gocen, senón para que toda a xente que poda vir a Ribadeo, de paso que vén mercar, pasalo ben ou facer outras actividades, mentres poidan os nenos e os non tan nenos gozar desta pista de xeo natural. A xulgar polas cifras é un auténtico acontecemento”.
Suárez Barcia afirmou que a atracción que xera a pista xa se percibe no comercio local, “sobre todo, o que máis nos interesa a nós, é ver que o movemento do comercio tamén se está notando con referencia á pista de xeo. Se ben nos primeiros días era maior o número de entradas normais que se vendían, agora, a medida que vai pasando o tempo, está incrementándose o número de entradas bonificadas, que só pagan tres euros, porque mercan no comercio de Ribadeo. Cunha compra de cando menos 20 euros nun comercio xa teñen dereito a ter unha bonificación do 50%. Polo tanto, queremos seguir animando á xente que aínda non o fixo, que veña a Ribadeo, que merque en Ribadeo, que goce en Ribadeo e, como non, que use a pista de xeo, que estará aberta todos os días ata o día 10 de xaneiro, ata entrado o ano que vén. Así que a pasalo ben e gozar destes días de Nadal en Ribadeo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
