Lugo, 7 de decembro de 2015. O delegado de Cultura da Deputación de Lugo, o nacionalista Xosé Ferreiro, presentaba este luns os obradoiros que se desenvolverán na Rede Museistica e no CENTRAD durante as datas de Nadal. Tal e como indicou Xosé Ferreiro, “a Área de Cultura da Deputación de Lugo, un ano máis, desenvolve o seu programa “Nadal Cultural” que vén cargado de actividades culturais por toda a provincia.”
Esta presentación “é só unha primeira parte do programa que desde a Área de Cultura temos preparado, que abrangue unha ampla programación de obradoiros dirixida a todos os públicos, que terán lugar nas dependencias da Rede Museística e do Centro de Artesanía e Deseño. Trátase dun amplo abano de actividades, exposicións e obradoiros para que todo o mundo poida gozar da cultura, tamén nas datas de Nadal”, indicou Ferreiro.
O Delegado de Cultura anunciou que “nos vindeiros días daremos a coñecer máis actividades, accesibles e abertas a todas as persoas, sempre pensadas para que públicos de todas as idades poidan participar das mesmas”, dixo.
Máis de 20 obradoiros nos Museos da Rede Museística no Nadal
Na Rede Museística desenvolveranse máis de 20 obradoiros ao longo do mes de decembro e a primeira semana de xaneiro, dirixidos a idades variadas: desde obradoiros infantís, a través do Clube Pequeamig@s, obradoiros para mozas e mozos, a través do Clube Ei! ata obradoiros para as e os máis maiores, a través do Clube Senior. “
“Serán obradoiros nos que as e os participantes interactuarán cos contidos dos Museos da Rede, nalgúns casos dun xeito moi actual empregando as novas tecnoloxías e as redes sociais coma o “Twitter”, entre outras, así como variadas disciplinas artísticas, desde a fotografía ata a pintura”, indicou o Delegado de Cultura.
Achegar a cultura e as tradicións artesanais galegas ás nenas e nenos a través de obradoiros no CENTRAD
Por outra banda, a Área de Cultura da Deputación de Lugo desevolverá tamén, a través do Centro de Artesanía e Deseño, unha ampla oferta didáctica, dirixida a un público infantil e vinculada aos 6 obradoiros existentes no Centro: traxe tradicional galego, cestería, tapizaría, instrumentos musicais, obradoiro do libro e obradoiro do moble artesán.
“Estas actividades buscan achegar a cultura e as tradicións artesanais galegas ás nenas e nenos, dándolles a coñecer o CENTRAD e contribuíndo a preservar e promover a artesanía tradicional, sendo as e os propios Mestres artesáns do CENTRAD quen impartirán os obradoiros”, indicou o Delegado de Cultura.
O horario dos obradoiros no CENTRAD será de 9:00 a 14:00 horas. Dividiranse en 2 quendas: a primeira quenda terá lugar o 21, 22 e 23 de decembro e contará cun total de 15 prazas para idades de 5 a 8 anos e con outras 15 prazas para idades de 9 a 12 anos. A segunda quenda terá lugar o 28, 29 e 30 de decembro, e a distribución de prazas será igual á exposta anteriormente.
Todas estas actividades son de balde e para participar as persoas interesadas deben poñerse en contacto coa Rede Museística ou co CENTRAD, dependendo do obradoiro ou obradoiros nos que teñan interese.
Aberto o prazo para que as e os artesáns se inscriban en “FEIREANDO”
Por último, o Delegado de Cultura, Xosé Ferreiro, lembrou que “ata o 11 de decembro está aberto o prazo para que as e os artesáns se inscriban para participar na mostra de artesanía “FEIREANDO”, que durante o Nadal terá lugar na Praza de San Marcos e na que estamos a traballar para dotar dun interesante contido, tanto para os propios artesáns e artesás que finalmente participen na mesma como para o público en xeral”. Os formularios de inscrición atópanse no BOP do sábado, 5 de decembro, e deben presentarse, xunto coa documentación requerida, por rexistro na Deputación de Lugo.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
