Lugo, 07 de decembro de 2015.- O portavoz do GPP no Senado e presidente do PP de Lugo, José Manuel Barreiro, asegurou este luns que quen debe gobernar tralas eleccións do 20-D é “a lista máis votada, a que teña máis apoios dos cidadáns, porque iso é democracia”. Na súa intervención, Barreiro explicou que o único pacto que lle interesa ao PP é o pacto cos españois para poder seguir traballando na creación de emprego e benestar “como fixemos estes últimos catro anos”.
A continuación o líder do PP en Lugo sinalou que “España está perdida se prospera un pacto de perdedores; o pacto que xa están cociñando nos despachos PSOE, Ciudadanos e Podemos”. Neste sentido José Manuel Barreiro explicou as similitudes que teñen os tres partidos nos seus programas; “son máis que as diferenzas”, matizou Barreiro.
“En primeiro lugar ningún dos tres ten o emprego como prioridade”, subliñou. “Pero hai máis: queren acabar co pacto constitucional do 78 e abrir un novo proceso sen rumbo nin consenso e queren subir os impostos”. Aquí o portavoz do GPP no Senado puxo como exemplo a subida do IVE para o pan, o leite e os libros que propón Ciudadanos.
“Por iso, nestas eleccións máis que nunca cada voto é importante para conseguir manter a senda da recuperación económica e o benestar iniciada por Rajoy”, aseverou o candidato popular ao Senado por Lugo.
20 millóns de empregos en 2020
José Manuel Barreiro tamén fixo balance dos catro anos de goberno de Rajoy. Explicou que o primeiro logro foi evitar a creba e o rescate, “aínda que tivésemos que tomar medidas duras e impopulares para conseguilo”. Barreiro tamén recordou que esta lexislatura España deixou de ser o país europeo que máis emprego destruía para converterse no país de toda a UE onde máis postos de traballo se crean: un millón entre 2014 e 2015.
Neste contexto, o portavoz do GPP no Senado tamén falou de retos: “Agora o noso obxectivo é crear medio millón de empregos anuais para que 20 millóns de persoas teñan traballo en 2020”. “Alguén coñece algunha razón para crer que Rivera ou Sánchez van crear o emprego que pode crear Mariano Rajoy?”, preguntou José Manuel Barreiro. Recordou que para crear emprego non bastan as boas intencións: “diso van estas eleccións: a experiencia e a solvencia acreditadas de Mariano Rajoy fronte ás receitas dos debutantes”.
Para finalizar, Barreiro sinalou que fronte aos riscos que ameazan as nosas sociedades e as nosas liberdades, Rajoy é garantía de firmeza, determinación e de unidade de todos os demócratas.
Antes de participar neste acto en Viveiro, o candidato do PP ao Senado por Lugo estivo presente noutro encontro con afiliados en Foz, no que tamén participaron o Presidente da Xunta, Alberto Núñez Feijóo, o alcalde focense Javier Jorge Castiñeira e a candidata número tres ao Congreso por Lugo, Mercedes González.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
