A Consellería de Cultura, Educación e Ordenación Universitaria achega a seis concellos lucenses o programa Nadal en rede, que se desenvolve nestas datas festivas e da que poden gozar as familias e, sobre todo, os máis cativos da casa.
Esta iniciativa, que ten como obxectivo fomentar o uso da lingua galega, está promovida pola consellería xunto con entidades locais integradas na Rede de Dinamización Lingüística. A entrada é de balde ata esgotar a capacidade dos espazos.
Así, Monterroso e Burela acollen hoxe o espectáculo A cantar con… A Gramola Gominola, o primeiro ás 11 da mañá no Espazo Cultural Lorenzo Varela e o concello mariñán ás 7 da tarde no auditorio municipal, unha actuación organizada en colaboración coa Mancomunidade de Concellos da Mariña Lucense.
Este espectáculo está protagonizado polo primeiro conxunto de rock infantil galego, aínda que tamén explora o pop, o reggae e as baladas do heavy, pasando polo funk, o country, o blues ou o ska. Trátase dunha proposta didáctica para os máis cativos que os guiará por valores tan esenciais como a amizade, a familia, a importancia de facer deporte e de levar unha alimentación saudable, o estudo, os xogos, e a natureza e os seus recursos.
A xira de Nadal dos Bolechas levará a esta televisiva familia ao CEIP de Foz o sábado día 2, entre as 12:30 e as 14:30 horas e pola tarde de 16:30 a 20:30 horas. A caravana, que inclúe ludoteca, xogos ou obradoiros artísticos, xa estivo en Viveiro o pasado día 26.
Outra das actividades que se ofertan é a dos Cantos contos no Nadal, guiada polo coñecido cantante Pablo Díaz, un concerto pero tamén un contacontos e mais un obradoiro participativo con temas como a familia, a convivencia, o tempo de lecer, os agasallos… Esta iniciativa recalou xa en Cospeito a pasada fin de semana e visitará Sober o día 4 de xaneiro, no Centro Sociocultural ás 17:30 horas.
Ademais destas actividades de dinamización lingüística, Nadal en Rede inclúe unha ampla oferta de recursos dixitais aos que se pode acceder para a súa descarga de balde desde calquera punto de Galicia: os cativos teñen á súa disposición un modelo de carta para escribirlles aos Reis Magos en galego, o ‘Libro dos Reis Magos’ e a aplicación ‘Postais en galego’.
Igualmente, hai recursos que que os Reis Magos poidan remitir unha resposta personalizada e en galego aos cativos.
Toda a información sobre o ‘Nadal en Rede’, no Portal da Lingua Galega: www.lingua.gal.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
