Burela, 1 de decembro de 2015.- O alcalde, Alfredo Llano, mantivo unha reunión preparatoria do Nadal con membros da asociación Ledicia e da Asociación de Comerciantes de Burela. Ao acto asistiu tamén o primeiro tenente de alcalde, Ramiro Fernández Rey. O 5 de decembro na praza do Concello quedará instalada unha árbore iluminada e deseñada polos alumnos do IES Perdouro e abrirase entre o 30 decembro e o 7 de xaneiro unha carpa para recibir aos Reis Magos na praza da Mariña, segundo anunciou este martes o rexedor.
Llano dixo que “mantivemos unha conversa e todo o mundo pensou o mesmo, en beneficiar ao pobo de Burela, a través desta asociación (de Ledicia) e das asociacións culturais que tiveran interese en facer algo na época do Nadal. Tivemos a primeira conversa coa asociación Ledicia, que é a encargada de organizar a Cabalgata de Reis a noite do 5 ao 6 de xaneiro e, por tanto, fixeron unha serie de propostas e peticións que o Concello vai intentar cumprir ao 100%. Todas elas pensando na mellor organización, espectáculo e formula para ofrecer un atractivo para toda aquela xente que queira aproximarse a Burela ver a Cabalgata. Quedaron en enviar unha serie de datos para calcular economicamente en canto pode saír. Trataremos de colocar tamén unha carpa na praza da Mariña entre o 30 de decembro e o 7 de xaneiro, para recibir aos Reis Magos. Podemos mirar mesmo de ampliar esas datas, sempre e cando exista algunha outra actividade para facer eses días”.
O alcalde quixo agradecer “á xente que organiza a Cabalgata polo seu interese, realmente é unha cuestión vistosa. Penso que se as organizacións se implican en certos eventos, o Concello tamén ten que responder, esa é a nosa filosofía, ímoslles axudar o máximo posible para que sexa un éxito en todos os aspectos esta nova edición da Cabalgata de Reis”.
O rexedor de Burela explicou que “tamén estivemos falando coa Acia, con eles imos inaugurar a luz dunha árbore de Nadal que vai estar na praza do Concello, unha árbore que se configurou no IES Perdouro, nos departamentos de Metálica e de Electrónica, que fixeron unha labor extraordinaria. É unha árbore que vai estar perfectamente iluminada e indicada e vai ser un atractivo para acondicionar e fortalecer as festas de Nadal. Estará colocada para este sábado, 5 de decembro, e sobre as 19 horas intentaremos que sexa un acto simbólico de inicio de Nadal, a ver se conseguimos un grupo de música que acompañe o acendido e darlle un sentido práctico e un valor”.
Alfredo Llano tamén sinalou que as luces de Nadal do resto da vila de Burela se acenderán “algo máis tarde, sobre o 12 de decembro, e a partir de aí haberá un alumeado público para todo o mundo. Esperemos que este ano teña algunha novidade. Trataremos entre todos de buscar un aliciente e unha motivación para que a xente de Burela e de fóra gocen e compartan o Nadal este ano”. O alumeado de Nadal será custeado polo Concello este ano “despois cara a edicións posteriores teremos que estudar outras fórmulas”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
