O Burela Pescados Rubén non puido completar o seu maratón semanal con pleno de vitorias tras colleitar un empate a tres goles na pista do Jimbee Roldán FSF. A escadra murciana optou por un ritmo alto desde o inicio para intentar aproveitar a escasa rotación laranxa e logrou sorprender nos primeiros compases co gol de Marta Peñalver, minuto 4. O 1-0 outorgou máis confianza ás murcianas que levaron a iniciativa ante un Burela que lle custaba coller o ritmo. Tralo ecuador do primeiro periodo as burelás comezaron a espertar e equilibraron o control do partido. As mariñás amosáronse máis incisivas en ataque pero Espe desbaratou as mellores ocasións visitantes e Terrés non perdoou unha asistencia de Maite Mateo para situar o 2-0, minuto 18. A escasos segundos para o descanso o Burela Pescados Rubén recortou distancias por mediación de Ceci. Co 2-1 chegouse ao intermedio e na continuación as galegas saltaron á pista con maior mordente e acurralaron ao Jimbee Roldán. As oportunidades laranxas topábanse coa boa actuación de Espe que mantivo ao seu equipo ata que un disparo de Gaby tocou en Anita e o balón coouse na portería murciana (2-2), minuto 24. O Burela pasaba polo seu mellor momento do partido e a remontada fíxose real tras un gol de Maite nunha estratexia. A capitá burelesa marcou o 2-3 cunha preciosa volea tras un saque de esquina. Con este marcador chegouse ao tramo final e o Jimbee Roldán apostou polo xogo de cinco e aínda que en principio non inquietaba demasiado aproveitou un balón para empatar (3-3) por mediación de Consuelo. Aínda houbo tempo para un intercambio de ocasións sen acerto e o partido finalizou con reparto de puntos.
Ficha técnica
Jimbee Roldán FSF: Espe, Marta Peñalver, Terrés, Inma, Maite Mateo -cinco inicial- Anita, Consuelo, Miriam, Cris.
CD Burela FS Pescados Rubén: Jozi, Peque, Bea Mateos, Gaby, Maite -cinco inicial- Ceci, Lara.
Goles: 1-0, m.4, Marta Peñalver; 2-0, m.18, Terrés; 2-1, m.20, Ceci; 2-2, m.24, Gaby; 2-3, m.31, Maite; 3-3, m.37, Consuelo.
Árbitros: Buendía Izquierdo, Martínez Flores. Colegio murciano. Cartón amarelo a Ceci do Burela Pescados Rubén.
Incidencias: Partido correspondente á xornada 12 de Primeira División RFEF, disputado no pavillón Gabriel Pérez de Roldán.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
