Cervo, 3 de decembro de 2015.- O Concello de Cervo fai público o nome da gañadora do XVI Concurso de Postais de Nadal. É Nuria Rey Díaz, de 7 anos de idade e alumna do CEIP Cervo Número 1.
A concelleira de Cultura, Dolores García Caramés, explicou que Nuria Rey “é a autora dun deseño laborioso e orixinal. Trátase dunha composición en cartolina branca, adornada con materiais e motivos de Nadal. A postal de Nuria foi o deseño elixido para as postais coas que o Concello felicitará as festas e o novo ano ás institucións, organizacións e asociacións. Para iso imprimíranse exemplares, que se farán chegar por correo ordinario a estas entidades e un pequeno lote será para que a gañadora do concurso felicite o Nadal aos seus familiares e amigos”.
Dolores García engadiu que “a postal de Nuria foi a elixida para felicitar as festas, pero ademais hai tres primeiros premios por categorías: na de infantil o gañador foi Manuel Alejandro Martinez-Quelle Valcárcel; na de 6 a 9 anos, Yago Fernández Lorenzo; e na de 10 a 12 anos, Ana Álvarez Alonso. Todos eles recibirán os seus premios pero non serán os únicos, xa que todos os participantes no certame tamén recibirán agasallos”.
A edil de Cultura destaca “a moi boa a participación que houbo neste concurso, ao que se presentaron un total de 40 deseños, seguramente todos feitos con moito traballo e agarimo. Aos nenos e nenas failles ilusión que a xente poida ver os seus traballos e, sobre todo, súmase a esta época de tanta ilusión para os máis pequenos como é o Nadal”. Dolores García anuncia que “este ano todos as obras presentadas poderanse ver na Casa da Cultura a partir do día 21 de decembro ata o 6 de xaneiro nunha exposición de postais de Nadal. Na inauguración, que terá lugar o día 21 de decembro na sala de exposicións, farase a entrega dos premios e dos agasallos a cada participante; e ademais, como novidade, catro mozas integrantes da Coral Terramar deleitarannos coas súas voces”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
