Lugo, 30 de decembro de 2015.- Os representantes do Grupo Provincial do Partido Popular no Consello de Administración da Sociedade Urbanística Provincial de Lugo S.A. (Suplusa), Elena Candia, José Antonio García, Manuel Jesús González Capón e José Ulla, remitiron este mércores ao presidente do organismo, Darío Campos, a solicitude na que urxen, na maior brevidade posible, a convocatoria dunha reunión extraordinaria do consello.
A voceira dos populares e conselleira de Suplusa, Elena Candia, explica que é necesario que se acorde o exercicio de accións da Sociedade no eido de competencia do Consello de Administración. A popular reproba a “inacción” do presidente do organismo, Darío Campos, que dende a constitución do novo consello o pasado sete de decembro, “non foi quen de convocar ningunha reunión na que se establecese o plan de actividades”.
Candia lamenta que o socialista continúe na súa liña de falta de traballo “centrado unicamente nos seus intereses partidistas e nos problemas do seu partido” e manteña a Suplusa “nun estado de parálise intolerable”. De feito, a popular lembra que durante o mandato do novo Goberno provincial bipartito “non se celebrou ningunha xunta xeral a iniciativa do PSOE ou do BNG, senón que a convocada a principios de mes para a constitución do novo consello foi solicitada polos populares”.
“Ante un PSOE dividido e un BNG sen rumbo nin criterio, o Grupo Popular somos a alternativa clara de goberno e somos os que imos desbloquear este organismo”, garante a popular. Candia engade que “recuperaremos o normal funcionamento da institución e levaremos a este próximo consello, cuxa celebración vimos de solicitar, propostas positivas para a provincia”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
