Lugo, 30 de decembro de 2015.- En relación coas declaracións do voceiro do PSOE, Álvaro Santos, sobre o pago de facturas, o Grupo do Partido Popular na Deputación, quere aclarar o seguinte:
Unha vez máis os informes de Intervención da Deputación de Lugo demostran que o socialista está a terxiversar a realidade e a enganar aos cidadáns no lugar de traballar para darlle resposta aos veciños da provincia, que é a súa responsabilidade.
Os informes de morosidade e de cumprimento de prazos no pago de facturas, publicados na web da Deputación, deixan entrever as mentiras do socialista, que non se sosteñen, xa que o Goberno Popular de Elena Candia actuou sempre dentro da normalidade.
Achégase Informe de Intervención, no que se recollen os seguintes datos:
1.- En xuño do ano 2015, o Goberno popular recibiu un importe de facturas pendente de pago de 4.375.426,51, mentres que o período medio de pago mensual era de 35,51 euros.
2.- Ademais, recolle datos máis alarmantes, como o de febreiro de 2015, no que o importe pendente de pago mensual era de 7.829.782,36 euros.
3.- En canto ao período medio de pago mensual, o maior período correspóndese co actual Goberno bipartito, en outubro de 43,57 días e en novembro de 51,46 días.
O Goberno do Partido Popular na Deputación, no lugar de dedicarse a criticar e a enganar aos veciños, centrouse en traballar polos lucenses e fíxolle fronte aos pagos que xa pasaran o proceso de fiscalización e xa estaban listos para a súa firma, mesmo o propio día da moción de censura, o deputado responsable asinou todos os pagos fiscalizados pendentes. A maiores, tamén se validaron facturas, tras que o anterior Goberno bipartito da Deputación incorrera en irregularidades administrativas e non seguira os pasos oportunos na súa tramitación. Nunha Xunta de Goberno, o PP validou facturas por un importe superior aos 104.000 euros que correspondían a servizos tan básicos como o alumeado, a seguridade da administración ou a telefonía, ademais de alimentos para a Granxa Gayoso Castro.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
