Os populares afirman que “o expediente elaborado polo alcalde para declarar a Festa do Bonito de Interese Turístico Nacional desprecia o papel da Sociedade Cultura Ledicia na Festa do Bonito”

Burela, a 26 de xaneiro de 2016.- O Grupo Municipal Popular (GMP) do concello de Burela afirmou este martes que “o expediente de solicitude da declaración de Fiesta de Interés Turístico Nacional para a Feira do Bonito elaborado polo alcalde é moi pobre e despreza o papel da Sociedade Cultural Ledicia, organizadora da mesma desde a primeira edición. Aínda así, votará a favor da declaración da Festa do Bonito como Festa de Interese Turístico Nacional por dous motivos: porque sería bo para a propia Festa e para o conxunto de Burela, e porque foi un goberno do PP, xunto coa S. C. Ledicia, quenes tramitaron e conseguiron en 1999 a declaración de Festa de Interese Turístico Galego”.

Os populares indican que “votaremos a favor ainda que consideramos que no expediente se esquece o papel da Sociedade Cultural Ledicia ou cando menos non se recolle con xustiza o papel da mesma no proceso de nacemento, historia e organización da Festa do Bonito. En todo o expediente, só aparece citada unha sola vez, e como entidade colaboradora que ‘ameniza con sus bailes y gaitas’, o que demostra ou mui mala fé por parte do asinante da memoria, nada menos que o alcalde, ou un descoñecemento absoluto das orixes e traxectoria desta Feira, relevante para Burela desde hai décadas”.

Ademais, o GMP asegura que “somos mui críticos co expediente elaborado polo goberno socialista e pola súa tramitación. Por un lado, porque o expediente enviouse o pasado decembro sen o preceptivo acordo plenario que marca como obrigatorio a Orden ITC 1763/2006 de 3 de maio, que regula a declaración deste tipo de eventos; ademais, o expediente é de unha pobreza extrema, baste decir que a memoria explicativa adica únicamente tres folios a resumir o que é a Festa do Bonito e os ¡cinco! folios restantes só recollen meras referencias a medios informativos nos últimos dous anos, e ningunha a cartéis ou dípticos anunciadores dos primeiro anos ou anos pasados. En definitiva, o expediente que vai a pleno, que é o que xa se enviou á administración competente, é un expediente mui pobre e carente de información fundamental. Se as cousas se fixesen con xeito, os grupos da oposición poderíamos facer aportacións á documentación, pero como está xa enviado nada se pode facer para millorar un expediente que, insistimos, é moi pobre”.

O Grupo Municipal Popular considera que “un expediente deste tipo debe tramitarse en todo momento conforme ó que marca a lexislación vixente, debe ser un expediente completo e suficientemente ilustrativo da Festa de referencia, neste caso a do Bonito, e debería contarse coa colaboración da entidade organizadora, neste caso a Sociedade Cultural Ledicia, cousa que sospeitamos que non se fixo, xa que á vista do expediente se traslada a impresión de que é o concello quen organiza e fai a Festa, cando todos os que somos de Burela sabemos que eso non é así, xa que de non ser por Ledicia e os seus voluntarios a Festa do Bonito non se celebraría”.